Popular Bible Verses from Mateu 10

Deildu

Pyno eiwanetup to uhehay kape. Pyno mesuwe worohoꞌopoꞌoro eipe aikotã aihũ Uweiria koꞌi watipoꞌoro hawyi tukupteꞌen awahuru haiwot rakaria pyꞌasetpe raꞌyn hap ewy. Maꞌato aikotã moĩ iꞌokpipokꞌi kahato toꞌauka tet pupi hap ewy o eweikupteꞌen iꞌewyte waku eweikupteꞌen aikotã pykasu yt ipyꞌahak hin i hap ewy o eweikupteꞌen iꞌatupyꞌasetpiat turan.

Uwe tuwanetup tomikyꞌesat nug hap kape yn miꞌi hat wyti aru yt karãpe i ipuẽti toieineꞌen hap sese. Maꞌato uwe iwaure tomikyꞌesat nug hap Tupana mikyꞌesat nug hamuat miꞌi hat yn ipuẽti kuap toieineꞌen wuatꞌi eꞌat piat hap.

Iꞌewyte yt eweikenꞌẽ teiꞌo eiꞌauka hap pupi katupono aipiit taꞌatuꞌauka wen maꞌato ahaꞌum yt taꞌatuꞌauka kuap i. Maꞌato waku watokenꞌẽ Tupana pupi katupono miꞌi ti imoma kuap yne torannia ahaꞌum iꞌewyte aipiit.

Pyno uwe toꞌe -Uiꞌauka pykai yt atoiat hin i uhepiat imohey hap miꞌi yn putꞌok e kuap uhemiitno.

Karãpe wẽtup ok toꞌe -Pywo pe miitꞌin pyꞌasetpe uito ti atomohey kahato Tupana e miꞌi hat pe uito iꞌewyte woroꞌairo hap eꞌat pe areꞌe pywo ti rat meiẽ uhemiit sese areꞌe uiꞌywot pe. Maꞌato uwe toꞌe miitꞌin me -Uito ti yt atomohey Tupana e miꞌi hat pe Uito iꞌewyte areꞌe woroꞌairo hap eꞌat pe uiꞌyat pe meiẽ ti yt uimohey hat i are atipy pe.

Iꞌewyte waku eweiꞌatumoehãite hepihi pihi rakaria iꞌewyte iraniaꞌin aikotã aikotã iꞌahuu rakaria. Iꞌewyte eweiꞌatumoehãite o ikuꞌuro rakaria e. Iꞌewyte eweiputsit o maꞌãu saꞌag koꞌi miitꞌin piit pyi yt kat saꞌup i e.

Miꞌi tupono yt eweikenꞌẽ teiꞌo iꞌatupupi katupono eiperia wyti poꞌog toiꞌatukyꞌe weitaria koꞌi kai.

Yt eiwanetup teiꞌo ariot meikowo mesuwarotiat miitꞌin wywuat woꞌowese hap nug hamo hap ete. Maꞌato aterut woꞌowanikap hamuat.