Popular Bible Verses from Kenese 3

Deildu

‘Ona va‘ai atu lea o le fafine i le la‘au e lelei lava pe a ‘ai ma ‘ua matagofie mai, o le la‘au fo‘i e aogā e maua ai le poto, ‘ona tago ai lea o ia i lona fua, ma ‘ai ai; ma ‘ia avatu fo‘i i lana tane fa‘atasi ma ia, na ‘ai ai fo‘i o ia.

‘Ua sili le atamai o le gata i manu uma o le vao na faia e le ALI‘I le Atua. ‘Ua fai mai o ia i le fafine, “E moni ‘ea, na fetalai mai le Atua, ‘Lua te lē ‘a‘ai i la‘au uma o le fa‘ato‘aga?’”

‘Ou te fa‘atupuina le feitaga‘i ‘iā te ‘oulua ma le fafine, o lau fānau fo‘i ma lana fānau; na te tu‘imomomoina lou ulu, a o oe ‘e te tu‘imomomoina lona mulivae.”

‘Ua fetalai atu o ia i le fafine: “‘Ou te matuā fa‘ateleina le tigā o lou ma‘i tō, ‘e te fānau mai tama ma le tigā. E ua‘i atu lou mana‘o i lau tane, e pule fo‘i o ia ‘iā te oe.”

‘E te ‘ai fo‘i au mea e ‘ai ma le afu o ou mata, se‘ia e toe fo‘i atu i le ‘ele‘ele. Auā na faiina ai lava oe; auā o le efuefu oe, ‘e te toe fo‘i atu lava i le efuefu.”

‘Ua ia fetalai atu fo‘i ‘iā Atamu: “‘Ua e usiusita‘i i le ‘upu a lau avā ma ‘ua e ‘ai i le la‘au na ‘ou fai atu ai ‘iā te oe, na fa‘apea atu, ‘E ‘aua ‘e te ‘ai ai.’ O le mea lea ‘ua malaia ai le lau‘ele‘ele ‘ona o oe; ‘e te ‘ai ai ma le tigā i aso uma o lou ola.

‘Ua fetalai atu o ia, “O ai ‘ea ‘ua na ta‘u atu ‘iā te oe ‘ua e lē lavalavā? ‘Ua e ‘ai ‘ea i le la‘au na ‘ou fai atu ai ‘iā te oe, e ‘aua ‘e te ‘ai ai?”

‘Ua ia tuli atu lava ‘iā Atamu; ‘ua ia tofia fo‘i kerupi e nonofo i le itū i sasa‘e o le fa‘ato‘aga o Etena, ma le pelu afi mumū, o lo‘o feliuliua‘i e leoleo ai le ala i le la‘au o le ola.

‘Ua fa‘aigoaina e Atamu le igoa o lana avā o Eva, auā o le tinā o ia o tagata ola uma.