Popular Bible Verses from Gn 32

Deildu

Tmatzun ichantz te: Myatlte' tb'iju'ya ja'lo, atl tb'iju'ya k'okyel, Israel. Qu'n matxi' q'ojina tuk'i'l Dyos ex kyuk'i'l ichan, ex aya nkanb'an, chij.

Xitzun tma'nju' ichan te: —Chin ttzaqpintza qu'n ljo'n qel spik'e', chij. —Qa mixti' ẍin kyej tky'i'wla'na lay txi' ntzaqpi'na, chij te.

Tetzunj tkyejten Jakob' tjunal, q'ojin jun ichan tuk'i'l ex e'q'jen tzmaxi'j qsqix.

Oktzun tq'o'n Jakob' tb'iju' najb'il lu Penwel, qu'n tma: Matxi' wile' Qman Dyos kyu'nku'xi'x nwitze', extzun luqine' itz'qinxe', chij.

Tetzunj tlonte ichan mitoqjun nkub'ti'j Jakob' tu'n, oktb'ju'n twi' t-ẍo'p, majx kyej q'ajli tu'n tej intoq che q'ojin.

¿Ti'tzun tb'iya? —chiju' ichan te. —Atzunte xitzaq'we'n: Jakob' we' nb'i, chij.

Atzunte xitqani'n te: —Ja'lo q'mantztzunta tb'i weye', chij. —¿Tiqu'n tajb'ila'ya tu'n tb'inteya?, chiju' ichan te. Axtzuntzu' kyeja' ky'i'wla'n tu'nju' ichan.

Mixti' woklene' tu'n nk'monteju'ye' t-xtalb'ila exju' tyola in japun weye'. Qu'n noqtoq o'kxu' nb'ordone' iq'i'n tej wik'xe' toju' nin a' Jordan, atzu'n ja'lo kab'e' tneju' nb'ete'.

Atxi'xtzunj min nxikych'yo'n tyajajil Israel chib'j ati t-xolu' tb'aqil twi' t-ẍo'p alu'mj, qu'n atzu' q'ajla'.

Kub'tentzuntz na'l Dyos: Nman Dyos Tdyos nchmane' Ab'raam ex Tdyos nmane' Isaak, tzaj tma'na weye' tu'n tanjtzwi'je' toju' ntx'otx'e', ja najlqe' nwitze'le', ex tmaya tu'n telb'a'nju' nb'eye'.

¡B'inchama xtalb'il Nman Dyos, chin tkloma toj tq'ob'u' ntzike' Esawu! Nchin xob'e', qu'n qaj saj q'ojil wi'je', ex jaku' che kub' tb'yo'nju' qya exqe' k'wal.