Popular Bible Verses from CAWA'TA TUNITA 6

Deildu

Ma-Vatɗina gi hama mi tuwamu kay kot ma nam kot san gaa kay nagatna, nam yor tuwam ŋolo.

Wulini Ma-Vatɗina sar kayni, joota vi sumuna muɗi ŋol suwa gaa kay nagata, hay buurta kaf diksi ka vara kay li joota tuta.

May Nuwa Ma-Vatɗin lum slugota.

Tani mi labara kay jafna vi Nuwa. Sum sa ay hay liy namna kaf Nuwa jarsi ɗigere, nam may min jootɗi. Nam poy kuɗ tuwsi hiɗi Lawna.

Ma-Vatɗin di'e: Wulin kayn sum sa nan kotsi gaa kay nagata nan min vatsi goy kafe. Tun cawis tam sumun pa ta-ta tam muuriyana tam sle ma ɦarmatna, tam layayn ma dukalawn kaw. Kay sle namn cani lali nan lum liyɗin ŋaa suwa.

Hay li ma sumun tun caw biya ŋolo gaa kay nagata, hay li ma guro-boyn vuɗis jarsi kaw, gurona vi Lawna wi kayni guro-boyna vi sumuna ay jifiy ŋaa ŋolo, nisi vilek sa kirsi ŋaana yawsi boyo. Ma-Vatɗin di'e: Ŋusta vanu ma mus hiɗi sana ta-ta loɗi, kay nam mi sliw ɦawa'a, kay na'ta nan min hotom busata valam goy kiɗay ir kis kalam dok-ma'. Hay li namna sum sa fiyokŋa sa donona ay gaa kay nagata. Kay gurona vi Lawna tap hiɗi guro-boyna vi sumuna, vuɗ guro nisin kisi kaw, sum nisin kayni si sum sa dono ŋolo, sa sesi ay tiy ŋolo hay liyn ma ɓa-ɓana.

Nuwa li ki kayn nala, slen ma Lawn dumtin kaf nam lumu.

Ma-Vatɗin di tam Nuwa: wulin kayni nan col buur ma nan min ɓulak sumun goynawa, kay nisi ɓulak yam nagatawa hiɗi waskayta, humaŋu, nan min ɓulaksi goy kay nagata

Naŋ ma ceɗ lumna hiɗi gu-gofer, naŋ ma kaam hayam ziy ɗoh' ɗoh', hayam hiɗi ŋorom kaf naŋ ma korom hiɗi dubaŋŋa.

Lawna ɗuw gaa kay nagat na kayni, na' muɗi liwis ŋolo, kay sumun kaf sa gaa kay nagata ɓulak hagata visiyawa.

Jar sle ma ka irin kaf, naŋ ma yaw kuɗ jaf ma kepn ma' ma', kay nam ma lak iri hiɗi naŋu. Naŋ ma vi ma juf kulo kuɗaŋ kepe, ta ca kulo kuɗaŋ kep lay.