Popular Bible Verses from Jan 8

Deildu

Jisas kli upla nani ra aisi, win: —Yang sika upla nani ingnika; ya yang nini bliki ba, raya kaia yabi ingnika ba bri kabia, bara kli sin tihmia ra tauki kabia apia.

Bamna diara kasak tânka ba kaikma; bara kasak tânka ba mita sin pri mai sâkbia.

Ju nani kasak luki banhwan ba sut ra Jisas mita win: —Dîa mai wisna ba kat kasak kama kaka, man nani ba kasak yang disaipilki nani kama.

Baku bamna, Luhpia mita pri mai sakisa kaka, man nani lika kasak pali pri kama.

Sakuna baha nani mita kli makabi wali kan. Bara Jisas ai lal buki, naku win: —Man nani tilamra ya saurka luha ba, baha mita pas mairin ba ra walpa ni lulki sabia.

Jisas baha nani ra win: —Kasak pali mai wisni, baha nani saura dauki ba lika saurka lâka albika sa.

Bara Jisas ai lal buki, witin ra makabi walan: —Mairin, ¿uplika nani kata ba anira sa? ¿Upla kumi sin pât ra mai dingkras ki? Mairin ba bila: —Apia, Dawan, upla kumi sin pât ra ai dingkras. Pana Jisas win: —Bamna yang sin pât ra mai dingkras sni; nanara mahka was, kuna kli saura yapara.]