Popular Bible Verses from Blasi Sturka 9

Deildu

Bara Gâd win: “Naha sika yang lâika ban kaia ra man nani wal, bara daiwan nani wal sin daukuna tukinka ba sika: yang kumaduriki ba kasbrika nani ra mangkuni, bara baha ba yang tasba aiska wal lâ daukri ba tukinka kabia.

Kasbrika nani ra kumadura ba bâra kabia baha kaikamna ba ra kupi krawbia, lâika ban kaia ra daukri ba upla sut wal bara daiwan nani sut tasba ra ba wal sin.”

“Ani uplika ai walka tâlia laiki ba, kli upla wala mita sin witin ai tâlia laikan kabia; kan upla ba Gâd lilka ra paskan bamna.

Gâd bui Noa ra bara ai luhpia nani ra naha bîla nani na aisi yamni munan: “Luhpiam nani ailal sahwi tasba na banhki dauks.

Diara nani sut ai rayaka bri aiawi tauki ba, man nani pi raya kama dukiara paskri sa; dus mâ nani sâtka bani ba, inma kura nani ba sut sin yang bui man nani ra maikri sa.

Bara daiwan nani sut tasba aiska ra bâra ba man nani mamwanra tatatwi sibri kabia, tnawira nani pâli tauki nani ba sin, tasba purara tauki daiwra nani sin sîam kabia, bara kabu ra inska nani ba sut sin man nani mihtam ra mangkan sa.

Sakuna man nani lika sahwi ailal taki bas, tasba ra kiamkam ailal saki bas, bara upla ailal taki banhs.”