Popular Bible Verses from Mateo 7

Deildu

Ni mangaged kam tu Diyos ay atádden na kam. Ni magehyok kam ay metan moy. Ni tumoktok kam tu pintuwan ay bukasan na para nikam.

Dipo u atanan a magaged ay maatádden sakay u atanan a magehyok ay maketa sakay u atanan a magtoktok ay mabukasan.

Kaya ni ti deya man u mágsaneg sakay sumunud tu intáttoldu ko hide ay u kaparehu na ay u essa a malalake a tolay a nagtolnák tu bilay na tu bito para magin matibay.

Gimitán moy tu agum u gustu mo a gimitán be nu agum niko. Sa itod u kahulugan nu Kautusan ni Moises sakay tu toldu nu Propeta hide.”

Pero mapiit u pintuwan sakay mahirap u dilan a tamo ti langet. Kanya sasangan la a tolay u maketa ti iye.”

Kinagi pa ni Jesus “Sumaddáp kam tu mapiit a pintuwan nu langet dipo malawa u pintuwan sakay alisto a lakadán u dilan a tamo ti impiyerno. Makpal u dumilan ti itod a dilan.

Ni hikam a makasalanan ay tukoy moy a mangatád ti maganda tu anak moy, mas lalo a mangatád ti maganda u Ama moy ti langet tu atanan a mangaged nikuna.

Sakay kinagi pa ni Jesus “Dyan moy hatulan u kapareho moy tánni awan kam mahatulan nu Diyos. Dipo hatulan kam nu Diyos ayun tu hatul moy tu agum. U nangusosegan moy tu pághatul moy ay siya la be u ihatul nu Diyos nikam.

Pero ni ti deya man u mágsaneg sakay awan sumunud ay kapareho siya tu essa a tolay a awan ti tukoy a nagtolnák tu bilay na tu baybay.

Bakin a ketan moy u badit a kasalanan nu kapatkákka moy pero bale awanán moy la u kasalanan a dakál a ginimet moy? Dyan kam pumurba a tumulung tu kaparehu moy a te mas badit ti kasalanan nan nikam.

Kinagi pa ni Jesus “Umiwas kam tu awan hide tatahoden a propeta. Umangay hide nikam a mapagkunware a mabait pero matapang bál hide. Matenggi moy hide tu gimet de. Konna tu kayo o halaman a matengge moy tu bunga na. Maari beman a magbunga ti masarap u masaet a halaman? Siyempre awan.

Magbunga ti maganda u maganda a kayo sakay magbunga be ti madukás u madukás a kayo.

Siyempre awan maare a magbunga ti madukás u maganda a kayo sakay u madukás a kayo awan magbunga ti maganda.

Sakay u kayo a awan magbunga ti maganda ay pukanán sakay ibut tu apoy.