Popular Bible Verses from Mateo 5

Deildu

Sakay awan ti tolay a mangtab ti simbuwan sakay takáppan na ti baldi. Nan itupo na iye tu lamisaan tánni mademlagan u he tu disalad nu bilay. Konna la be hod u gimitán moy, ipeta moy u demlag moy tu tolay hide tánni ketan de u mágkaganda moy a gimet. Tán para puriyán de u Ama moy ti langet.”

Hikam be ay kumán a demlag ti munduway. Awan ti makapángtagu tu essa a banuwan a hod tu toktok nu buked.

Pinagpala nu Diyos u tolay hide a awan dán ti agum a pagserbiyán nan u Diyos la, dipo hide u maketa nikuna.

Pinagpala nu Diyos u tolay hide a masoh a tahod a manggimet tu kaluuben nu Diyos, dipo hide u tulungan nu Diyos tánni magimet de u kaluuben na.

Pero iye u ikagi ko nikam, mahalán moy u kadima moy sakay ipagdasal moy u mangdusta nikam.

“Pinagpala nu Diyos u tolay hide a umasa nikuna tu atanan a pangangailangan de, dipu u Diyos u hare de. Siya u mangpospos nide.

Pinagpala nu Diyos u tagaayus tu magdima hide, dipo hide u madulawan a anak nu Diyos.

Pinagpala nu Diyos u malungkut hide, dipu hide u pahapahaán nu Diyos.

Pinagpala nu Diyos u dáddustaán hide a tolay dipo gimitán de u kaluuben nu Diyos, hide u katolayan tu kahareyan na.

Pinagpala nu Diyos u makákkagbiyán tu agum, dipo hide u kagbiyan nu Diyos.

Pinagpala kam nu Diyos ni insultuwán di kam sakay dustaán sakay bintangán di kam ti sare-sare dipo disepulus takam. Konna labi hod u ginággimet nu tolay hide tu propeta ko hide tu itod. Magkasayaan kam a tahod dipo dakál u gantimpala moy ti langet.”

Pinagpala nu Diyos u awan hide mapagmataas, dipu hide u makaalap tu atanan a inpanantu nu Diyos.

Kinagi pa ni Jesus nide “Hikam ay kumán a asen ti munduway. Ni mawan u lasa nu asen, awan dán ti paraan a mesoli pa u lasa na. Awan dán ti serbi u asen kaya ibut dálla sakay gággemmakan dálla nu katolayan.

Kanya dapat a awan kam ti kapintasan konna tu Ama moy a hod ti langet a awan ti kapintasan.”

Mas maganda a kagiyán mu dálla a ‘O’ ni kaya mo o ni ‘Awan’ ni awan mo kaya a gimitán. Dipo u págsumpa ay gábwat ni Satanas.”

Kinagi pa ni Jesus “Nasaneg moy a intoldu de tu nunu moy hide a ‘Ni ti deya u makasida ti mata ay bayaden na la be ti mata sakay u makasida ti ngipán ay bayaden na la be ti ngipán.’ Pero kagiyán ku nikam nadid a dyan kam gumante tu tolay a nanggimet nikam ti madukás. Nan ni te mangdapang niko ay ipadapang mu pa u dilupot.

Kanya ni u kawanan mo a mata ay u dahilan nu págkasala mo ay lábwetán mo sakay ibut mo. Mas maganda pa a mawanan ka ti essa a parte nu bággi mo kasera ni meimpiyerno u atanan a bággi mo. Sakay ni u kawanan mo a kamát u dahilan nu págkasala mo ay káttolán mo sakay ibut mo. Mas maganda pa a mawanan ka ti essa a parte nu bággi mo kasera ni me impiyerno u atanan a bággi mo.”