Popular Bible Verses from San Juan 17

Deildu

Tuꞌun un ta ya ndaa kua, yakan chindee un na ná nduu na ivi, na i̱í, ta ná ndikundikun na yóꞌo̱ xiꞌin ndiꞌi ni kúu nima na.

Ta ya kutaku na ndiꞌi saa ichí kua kúni kachi ya ná kuni vaꞌa na ini un, chi iin yóꞌo̱ ku Ndioxi ra ndaa ni xiꞌin Jesucristo, ra ti̱ꞌvi un vaxi ñuu ivi yóꞌó.

’Ta süvi ndisaa xaꞌa na ndíkun sata i xíkan i ya mani nuu un xaꞌa, xíkan tu i ya mani nuu un xaꞌa na kandixa tuꞌun un ya kaꞌan na yóꞌó xaꞌa i, ya ná kutaꞌan vaꞌa na xiꞌin taꞌan na, tá kuꞌva íyo mií yo xiꞌin taꞌan yo Iva mani. Ta saa iin yuꞌu ná koo na xiꞌin yo, saa kundaa ini na ñuu ivi ya ti̱ꞌvi un yeꞌe vaxi i.

Ta köo xíkan i ya mani nuu un, ya tava un na kee na tañu na ñuu ivi yóꞌó, ya xikan i nuu un kua, kundaa ni un na nuu ya väꞌa.

Ya vaꞌa ni ta̱xi un un ndaꞌa i kua ta̱xi i ndaꞌa na ya ná kuu na iin yuꞌu xiꞌin yo, tá kuꞌva íyo mií yo xiꞌin taꞌan yo iin yuꞌu ku yo xiꞌin taꞌan yo. Yeꞌe ku ra íyo xiꞌin na yóꞌó, ta yóꞌo̱ ku un íyo xiꞌin yeꞌe, yakan vaꞌa ni nduu na iin yuꞌu xiꞌin taꞌan na, ta saa kua kundaa ini na ñuu ivi yóꞌó, ya ti̱ꞌvi un yeꞌe vaxi i. Ta kuni na ya kúꞌvi ni ini un xíni un na ndíkun yeꞌe, tá kuꞌva kúꞌvi ini un xíni un yeꞌe, saa kúꞌvi ini un xíni un na.