Popular Bible Verses from Nau Ntơm 28

Deildu

Aơ, Gâp gŭ ndrel ma may, ăp ntŭk may hăn, Gâp mra tĭng mât mray may ta ntŭk nây, jêh ri njŭn leo may sĭt ta n'gor aơ. Gâp mâu ôh chalơi may kŏ tât Gâp ƀư rĭng lĕ moh nau Gâp hŏ ton ma may.”

Ri, Brah Yêhôva dâk tanăp măt păng jêh ri lah: “Gâp jêng Yêhôva Brah Ndu Y-Abraham, chô yau may, ăt jêng Brah Ndu Y-Isăk. Gâp mra ăn ma may jêh ri noi deh may ntŭk neh may dôl lâng săk bê̆ch.

Y-Yakôb kah rngăl bê̆ch jêh ri lah: “Nanê̆ ngăn ta ntŭk aơ geh Brah Yêhôva gŭ ƀiălah gâp mâu gĭt ôh!”

Y-Yakôb ƀư nau ton pô aơ: “Tơlah Brah Ndu gŭ ndrel ma gâp, mât mray gâp tâm nôk gâp hăn nsong jêh ri ăn piăng let, kho ao ma gâp nsoh, jêh ri ăn ma gâp geh nau đăp mpăn plơ̆ sĭt ma ngih mbơ̆ gâp, pôri Brah Yêhôva mra jêng Brah Ndu gâp. Lŭ gâp hŏ ndâk jêng meh gâng mra jêng ngih Brah Ndu, jêh ri gâp mra nhhơr ma May du kô̆ tâm jât bơh lĕ ntil ndơ May ăn ma gâp.”

Noi deh may mra âk tâm ban ma ndruyh neh, gŭ lam luh nar, nhâp nar, pa dâng, pa lơ, jêh ri lĕ rngôch phung mpôl băl bunuyh tâm neh ntu mra geh nau ueh uĭn yor bơh may jêh ri yor bơh noi deh may.

Păng rnha ntŭk nây Bêthel; saơm ri ƀon nây bu rnha Lus.