Popular Bible Verses from Nau Ntơm 26

Deildu

Ăn may gŭ njưh tâm n'gor aơ, Gâp mra gŭ ndrel ma kon jêh ri ăn nau ueh uĭn ma kon; yorlah Gâp mra ăn ma may jêh ri ma noi deh kon lĕ nkual bri aơ jêh ri Gâp mra ƀư n'hêl nanê̆ nau Gâp ton jêh ma Y-Abraham, mbơ̆ may.

Gâp mra ăn noi deh kon bĭk rơ̆ nâm bu mănh tâm trôk jêh ri ăn ma lĕ noi deh may nkual bri aơ. Lĕ rngôch phung ƀon lan tâm neh ntu mra geh nau ueh uĭn yor tă bơh noi deh may; yor Y-Abraham hŏ tông jêh bâr Gâp, djôt prăp lĕ nau Gâp ntĭm nti, nđâp ma lĕ nau vay ntăm, nau vay dăp jêh ri nau vay bơh Gâp.”

Y-Isăk chalơi ntŭk nây hăn kuyh du ntu dak êng jêh ri ntu dak aơ mâu geh ôh tâm pit, păng rnha ntu dak nây jêng Rêhôbôt, jêh ri lah: “Aƀaơ Brah Yêhôva hŏ ăn ma phung hên du ntŭk gŭ huy ngăn, jêh ri hên mra geh jêng tâm n'gor aơ.”

Brah Yêhôva tâm mpơl ma păng jêh ri lah: “Lơi hăn ôh ta n'gor Êjipt, ăn gŭ hom tâm n'gor Gâp mra ntĭm ma may.

Y-Isăk rdâk du nơng ƀư brah, kuăl mbơh sơm ma amoh Brah Yêhôva jêh ri rdâk ngih bok păng ta nây. Jêh ri phung oh mon Y-Isăk kuyh du ntu dak ta nây.