Popular Bible Verses from APOEM AYANG: 21

Deildu

ASEING gi nyang: dangsoo" byid: to" ziyo' dakhyoo" ti" Sara ri mainkaid byid: lho

Mangsoo gi zooshang: da" ngoug thui: ri shau" gyo: wigi Hagara ri mougkhung: mo Mangso lagyoo: gi «Hagara nang ci: myid myo: nyid lha". Agyug nyid. Mangsoo gi zooshang: da" ngoug thui: ri shoug" gyoo: bye:. Too' we' zooshang: ri yhe: vu yu lho: pyoo" we'. Nya: da" amyed ashen yiri ngoo gi byumyu" zeing damyu" bui" nhang: wa» ga: re" tid.

Abraham gi bain mang: bye: ri Sara gi zoonu" gung bue" lo lho: yuggi zoo: dayug khu: byid: bye:. Yuggi zoo: khu: loo wa nghoid ga: Mangsoo tid to" da" ayo, moo nyang: hau: zooshang: ri co' phyed bye:.

Sara gi «Mangsoo gi ngoo ri gau yi nhang: bye:. He: khyoo: ri shoug" gyoo: mo, dangain" we' ngoo yo' dakhyoo" ti" gau yi boem wa bye:» ga: tid.

Nghoid loug Mangsoo gi Abraham ri «Zooshang: yo' re" join Hagara shid re" seing" akhoo" nyid. Sara nang ri tid khyoo" dangain" ri koid we'. Khasu" wim gari ngoo nang ri dangsoo" byid: to" da" nang yo" yu wa amyed ashen yiri Isag khyo" nyid ri" nhang: wa zi nghoid.

Byumyu" damyu" bui sho' join' myhi' da" zooshang: ri we' ngoo gi zooshang: myoo" sho' yoo" nhang: wa. Nyang: we' re" zoo: nyang: nghoid bye:» ga: tid.