Popular Bible Verses from Matthaisioi Phrinzangpo 6

Deildu

Amma saq basang snanla Ashipi rgyastridpo nang khoe khadrangi lukspo tsalshik yang dyun-un saqang khyentanga styeaqse chhok.

Ni, askye-e phya snanga mabashik, chiazerbana askyeo khores rangi snanga bok; ga jaq rere nganpao dya jaqpoa thsad.

Dephya ngas khyentanga zered, khyentanga chi zok hana chi thungnuk zere khyenti stroqa qolṯo mabashik hana rgoeka chi gonuk zere qolṯo mabashik! Zachao basang stroqpo rgyala mena ? Yang gonchao basang rgo rgyala mena ? …

Dobasang khyeres rchortsana khyeri suang medkhan ḵẖutueang jukse go chuksena phaqa yodkhan khyeri Atawa rchor yang phaqa jukse yoden thongkhan khyeri Ataos khyeranga/ngone/zde salcha in.

Dekana khyentes ditsuga Ashipa-a jushik "Kasa Rshnamuniang yodkhan ngachi Ata; yeri mingpo Rtsangma dukshik! Yeri rgyastridpo yongchukshik; yeri ranlukspo rshnamuniang/ben yod pao na tsoḵẖspo/yang seka-ang bacha songshik!

Ngachi/jaqtang rgosha yodkhan/ṯakiu diringa ngacha-a salba zad.

Yang ngachas ngacha nabarla kyaqkyoq bakhanunla skyonzod ba tsoḵẖspo, yeresang ngachi budthalunla skyonzod bazad.

Yang ngacha thikchadiangnuk maphangma zad, dobasang nganpiangna ngacha khomchukpa zad, chiazerbana rgyastridpo nang khyudpo nang chhezbrelno dusun tso iang yeri in. Amen!

Chiazerbana taqdir khyentes miuni kyaqkyoqunla skyonzod basna khyenti Atabsang khyentanga skyonzod bok.

Phurkhan stroqchaqis chang taba med hana chang rshnga med; hana bangmeang chang saqpa med zere dounla ltashik! Yang rshnami khyenti Ataos doun soed; khyentang doun basang rinthos mena ?

Mukpa nang thsaqis shikpi yang rshkunmas qom phude rskuse khyerbi di seka khyeri phya sera masoq. Dobasang mukpa nang thsaqis mishikpi yang rshkunmas hana qom phude hana rshkuse mikhyerbi rshnamiang khyeri pya sera soq. Chiazerbana khyeri sera yodseka khyeri snyingpoang dukcha in.

Ashipa nyisi tson base sua-ang dukpa khyudchan men, chiazerbana hana chikchikpona mirgakhan dukse echikpo rgakhan chhok; hana chikchik pona chhamse dukse echikchikpo rtsismed bok. Khyentanga Ashipa nang/Mamon/zerkhan rshmuli norzan/-inyiskoe tson base dukpa khyudchan men.

Ni, taqdir diring dukpi askyea thabiang thukcha chhachi jingi rtsoa Ashipas ḏinda rchokek bas narek, wahunik chhesluks yangmo yodkhanun doun basang khyentang mangmo (miskonuga)?

Dobasang khyeres (Ashipi) skalchik tangsna khyeri (Ashipa-a phulskhan) skalpo sangse luspa khyeri tranglaqpos baskhanpo yonlaqpoa thsormachuk. Dekana phaqa jukse thongkhan khyeri Atao khores khyeranga/ngone/ zde salcha in.

Khyentes khyenti noro lasun miuni dunla stanma mabashik medna rshnamuniang yodkhan khyenti Ati shitiana khyentanga zde med.

Yang khyentang Ashipi lamiang/ khastonga duktsana salyakh rchokhanun natsoḵẖs rdong jikse khastonga madukshik, chiazerbana khongunis khontang khastonga yod zere miunla thongchukpa rdongzo shikse jaqed. Chhadkhika ngas khyentanga zered, khongunla zdeo thobed. Dobasang, khyerang khastonga dugen khyerang khastonga yodpao phaqa yodkhan Atao tsa-a mene miunla mithongma khyeri goa mar skua, yang khyeri rdongpo khrus. Yang phaqa jukse thongkhan khyeri Ataos khyeranga/ngone/zde saluk.