Popular Bible Verses from متّی 6

Deildu

پر پہلے تُساں خُدا دی بادشاہی تے راستبازی دی گولھ ءچ راہو تاں ایہ سبھ چیزاں وی تُہاکُوں مِل ویسن۔

بس کل دی فِکر نہ کرو کیوں جو کل دا ڈینہہ آپنڑی فِکر آپ ای کر گِھن سی۔ اَج کیتے اَج دا ڈُکھ کافی ہے۔“

اِیہو وجہ ہے جو مَیں تُہاکُوں آدھا ہاں جو نہ تاں آپنڑی زندگی دی فِکر کرو جو کیا کھاسوں یا کیا پی سُوں، نہ آپنڑے تَن دی جو کیا پیسُوں؟ کیا جان خوراک کنُوں تے بدن پُشاک کنُوں ودھ تے نئیں؟

بلکہ جِیں ویلے تُوں دُعا کریں تاں آپنڑی کوٹھڑی ءچ وَنج، تے دروازہ بند کر تے آپنڑے اسمانی باپ کنُوں جیہڑا نظر کنُوں لُکیا ہے دُعا کر۔ وَل تیڈا باپ جیہڑا تیڈے لُکے ہوئے کم ڈیدھے تیکُوں اجر ڈیسی۔

بس تُساں اِینویں دُعا کیتا کرو جو ساڈے باپ، تُوں جیہڑا اسمان اُتے ہیں تیڈا ناں پاک منیا ونجے۔ تیڈی بادشاہی آوے تیڈی مرضی جِینویں اسمان اُتے پُوری تھیندی ہے زمین اُتے وی تھیوے۔

ساڈی روز دی روٹی اَج ساکُوں ڈے۔

تے جِینویں اساں آپنڑے قصُورواراں کُوں معاف کیتے تُوں وی ساڈے قصُور معاف کر۔

تے ساکُوں ازمائش ءچ نہ پا بلکہ بُرائی تُوں بچا۔ [کیوں جو بادشاہی، قُدرت تے جلال ہمیشاں تیڈے ای ہِن۔ آمین۔]

جے تُساں لوکاں دے قصُور معاف کریسو تاں تُہاڈا اسمانی باپ وی تُہاکُوں معاف کریسی۔

پکھیں کُوں ڈیکھو جیہڑے نہ تاں رہیندے ہِن نہ کپیندے ہِن نہ گوداماں ءچ جمع کریندے ہِن، وَل وی تُہاڈا اسمانی باپ اُنہاں کُوں کھویندے۔ کیا تُہاڈی قدر اُنہاں کنُوں زیادہ نئیں؟

آپنڑے کیتے زمین اُتے مال جمع نہ کرو جِتھاں کیڑا تے زنگ لگ ویندے تے چور سَندھ مار تے چوری کر گِھندے۔ بلکہ آپنڑے کیتے اسمان اُتے خزانہ جمع کرو جِتھاں کیڑا تے زنگ خراب نئیں کریندا تے نہ چور سَندھ مار تے چوری کریندے ہِن۔ کیوں جو جِتھاں تیڈا خزانہ ہے اُتھائیں تیڈا دل وی لگیا راہسی۔

کوئی بندہ ڈُو مالکاں دی خدمت نئیں کر سگدا، کیوں جو یا او ہِک کنُوں نفرت کریسی تے ڈُوجھے نال محبت، یا ہِک نال وفا کریسی تے ڈُوجھے کُوں حقیر جانڑسی۔ تُساں خُدا تے دولت ڈوہائیں دی خدمت نئیں کر سگدے۔

بس جِیں ویلے خُدا میدان دی گھاہ کُوں جیہڑی اَج ہے تے کل تنُور ءچ سَٹ ڈِتی ویسی ایجھی پُشاک پویندے، تاں کمزور اِیمان آلیو! کیا تُہاکُوں نہ پویسی؟

بلکہ جِیں ویلے تُوں خیرات کریں تاں جیہڑا کُجھ تُوں آپنڑے سجے ہتھ نال ڈیویں اُوندا تیڈے کھبے ہتھ کُوں پتہ نہ لگے۔ تاں جو تیڈی خیرات لُکی راہوے۔ وَل تیڈا باپ جیہڑا لُکے ہوئے کم ڈیدھے، تیکُوں اجر ڈیسی۔

”خبر دار، آپنڑے نیک کم لوکاں کُوں ڈِکھاوݨ کیتے نہ کرو۔ کیوں جو تُہاڈا اسمانی باپ تُہاکُوں کوئی اجر نہ ڈیسی۔

جِیں ویلے تُساں روزہ رکھو تاں منافقاں آلی کار آپنڑا مُنہ نہ بنڑاؤ، کیوں جو او آپنڑاں مُنہ وِگڑیندے ہِن تاں جو لوکاں کُوں پتہ لگے جو او روزے نال ہِن۔ مَیں تُہاکُوں سچ آدھا ہاں جو اُنہاں آپنڑا اجر پا گِھدے۔ بلکہ جِیں ویلے تُوں روزہ رکھیں تاں آپنڑاں مُنہ دھو تے آپنڑے سر ءچ تیل سَٹ، تاں جو بندہ نئیں بلکہ تیڈا اسمانی باپ جیہڑا نظر کنُوں لُکیا ہے، تیکُوں روزہ دار جانڑے۔ اِیں صورت ءچ تیڈا باپ جیہڑا نظر کنُوں لُکے ہوئے کم ڈیدھے، تیکُوں اجر ڈیسی۔