Popular Bible Verses from Luk 13

Deildu

Haka na jai ingiya ja jâmbě ihâlě: ’kabojana Mbi langwakiyand‘ inyěni, na, baitě ba ka vahand‘ o ngiya, ndi ba yâle.

Hilakěte, mwajo a diyakidi n‘ ilina j‘ ikâhâ jomu ja mepuma na mepuma logwambi, tumbamango, au yâlâkě o tepuwa na vilolombo. O Jisus a yěni mâ, ka Mâ‐a ndiya mâ o Mâ‐a jadi, ka Mâ‐a vâ na ju, na, Mwajo o ’njuwaniyendi oviya ikâhâ jâvě.

Ka Mâ‐a kahidě mâ makadu maju: ka Mâ‐a těmě de o mbenjě pâkâ, a bendakě Anyambě.

Hilakěteni, ba madikanido ba ka diyi ba bě o bohoboho, na ba bohoboho ba bě o madikanido.

Nd‘ oningě a duwě ndabo a ’muwingě, na mâ‐a diba jâmbě, běngě o yalakěni o těmě o bwebwe, o ka tinakiděni jâmbě, na, Upangiyi, Upangiyi, dubwakiya hwě; a ka yavwanand‘ inyěni, na, Mba ’we inyěni pělě ’anyu ea viya

Ndi Mbi langwakiyandi inyěni, na, Nyawě: inyěni běhěpi o ka wati nyanga tě, kabo oa uluwani.

Nd‘ A ka vwi, na, Mbi langwakiyandi inyěni, na, Mba ’we inyěni pělě ’anyu ea viya, věngěměkěni Umba‐mbi jadi inyi běhěpi bahayi ba bobe.

Ka Mâ‐a vâ, na, Ipangiya ja Anyambě i kwanaka lě nja ’lombo ě? Mbi ka kwanidě lě jâ nde? I kwanakandi utonga mua ebuma ea mustard, mua moto u nângâkidi, ka mâ‐a uhwa mâ o mwanga muaju; ka muâ‐mua tombuwa, ea bě ele ’něně; na lonâni la oba lo ka batamaka o melabe meaju.