Popular Bible Verses from Yohanes 1

Deildu

Nempa tomwatar monuk ma rlangun I, keta nal kuase ber sir nema reluk Ratu angkir. Sir a ne ma ralele I.

Luryain e noak ma saryamprene to namin a fuky, Tomwat sa ma rtar feti Ratu Ni Ngribatnir a ne namin lo. Ma I dedesar ma nor Ratu. Ma I a ne Ratu nbal.

I neluk ngaodir na makrokap dalam, nwayat ma makrokap a ne to nfedam nal ngaodir a ne.

I ma rtar feti Ratu Ni ngribatnir a ne neluk tomwate lo ma nmorip nor kit. Ma kit tsalan Ni kuase ma nlie nlengan a ne. I nonri kuase ne nof Ratu, fali I neluk Anaky lolmesan. Ma nof I, kit bise ma tafai kabain botunar na Ratu, ma tsalan Ratu Ni dalamy ngamone ma nfatutu ber kit.

Ma nof Ni Ngribatnir a ne Ratu nose safe-safe monuk. Ma farlan Ngribatnir a ne to ramin, to fen lese nbal ma Ratu nose. Ratu Ni ngribatnir a ne ma nal momorip ber tomwatar monuk. Ma I neluk ngaodir a nbal la nodir tomwatar dalmir.

Ni bobole e Yohanes nsalan ma Yesus nakmat i. Ne Yohanes nfalak, “Mswalan Ratu Ni Domba Anak a ne, I ye ma keta nmat la nkes kalin tomwatar na saryamprene nir salar.”

I namin saryamprene lo, ma Ratu nose saryamprene ye nalyole I, nempa tomwatar na saryamprene ye to rafai I. I nma Ni nuse ompak nempa Ni tomwatar to rlangun I.

Fali Tomwate ma neluk ngaodir ma botuan a ne nma saryamprene lo. Ma I ye ma keta nodir tomwatar dalmir mpane.

Fali Ratu nal Ni tetetkar ber kit nalyole Musa la nfarete kit. Nempa kit tafai kabain botunar na Ratu ma Ni dalamy ngamone nalyole Yesus ninr Ray Silai.