Popular Bible Verses from Marcos 13

Deildu

Eltaknevakpok hata ketlhengkap ngkanek ko'o askeltamesaikamok, koka ngkolhek hata alvongkaso tep apkellelto nak melvatesaikamok akvakmo ta aktakha nnelha aknem lhmankek ham.

Askeleltennaskek ketlhengkap elelketnamok hata, elelmalhna ta nhan ngkanek meliohok aknem nkovak hata m'a.

Mankoltama nkek apvalho'ok ketlhengkap apkenmak'akha ta eltehek apkellatemmoikama m'a neksa nema aklakleqha napaqtavek apkelientalhnemo. Espíritu Santo ta ellapvaneskesek apkellatemmoikama m'a, malha apkeliatongkoma la apankek ma'a.

Nalhepop kakpota nhan neten nkomaskok hata m'a, koka mankomaskengvomek hata aspaioma nak.

Mamma nkoiho knem kanhan alanei'o aknem ngkotnek hata m'a, meliohok na ángeles, meihok na Apketka nak ma'a, vanlha koka apiavek ma'a Eniapom.

Apkelleng'ak hata nkek ketlhengkap apkennapommap kanhan aklhenammalhka ania'a apkennapommap hengke'e kakpota nhan mo'ok apkellavakha. Koka mellaga nko ie', nkovak hata m'a, koka mankovakmok mokhom aktemakha nnelha aknem lhmankek ham.

Elelketnamo ta nhan ketlhengkap ngkanek meliohok aknem evatak Apveske apanko'ok. Nlho ka la evatak ienaqteso, pelhasep, neplhet pelhasep, nlho ka la nhan alpaivo la tape'e, akmopakmo lhma kelha nhan. ¡Elketnamok hata! Nkotlapkesek kelha apvekta m'a elvetangvetak kelha apnaqtenakha ketlhengkap ma'a. Ka stakha nak askellano ketlhengkap kakpota nhan aplhamakho enenlhet'avok lhmankek ham ¡Elelketna mota! —lhna aptemak.

Ennapakpok hata apkellavakha eniammelhek mo'ok apkellavakha, apkelveskai'e mo'ok apkellavakha nhan, nkolpaklhemmak hata nhan lhepop moklhem'a apkellavakha lhmankek ham. Mamma ta nha ngkotnek aptekamok enenlhet'avok, koka ampakhasekha nkek apkellengaiangko akientalhnema enenlhet'avok lhmankek ham.

ngkanek nkaimelhkek sekhek ngkolhek aleltennasengka ania'a aktaqmanma aklhamakho apkellavakha amanie akmahai'a nkovak nnelha aknem lhmankek ham.

Ngkanek elvak hata aplhamakma enenlhet, hata etnangkok hengke'e: "Ko'o hengke'e", hata etnangkok ma'a. Eliennengkesek hata aplhamakma enenlhet'avok ma'a.

¡Ellaho ta ketlhengkap! Nkolhek hata aliantemakho apkakhangkelha apkelientalhnakha apkelveskaie, mangkolhek hata altaqmelkaso m'a. Nkolhek hata nhan altekpongka nemaknekhelha ngkanek ko askeltamesaikamok ketlhengkap. Koka etlhengkes hata hetlheianma ko'o napaqtavek ma'a

ngkanek elvak hata apkelietkesammakpo Cristo, kakpota nhan apkeleltennasemmap ania'a apkenmopvanka'a ania'a. Ellanangkok hata qaselha mongenatkeskama kakpota nhan qaselha hempelapkeskama kakpota eliennengkesek aplhamakho enenlhet'avok lhmankek ham, nkomahak hata nhan eliennengkesek aptangko nak nema aliekieskama.

—Netamen apkellengaiangko ta enenlhet'avok, nkomaskok hata atsaso aknem alhma nkek ham, kakpota nhan pelten. Epallentak hata apiav'a, nkolievhama ta nhan qaselha aliennaktema aknaiangko nak ma'a neten.