Popular Bible Verses from Huwan 15

Deildu

“Aku ti puun ubas, kamu ti manga sanga. Ti tawu nu napaminsan di sa kangku ag aku napaminsan di sa kanya, pihu may pakinabang ti mayamu buwat niya. Dahil nu napablag kamu sa kangku unman kamu may mabuwat.

Dagpablag kamu sa kangku, ga kang diman napaminsan sa kanyu. Dayu bumurak ti sanga nu napablag yi sa kay puun. Ti sanga ubas bumurak lang nu angut ginan sa kay puun. Katunda diman waydi kamu unman may mabuwat nu napablag kamu sa kangku.

Nu kamu minsan di sa kangku ag kang manga bagaw pumirmaminti sa kanyu, mahimu hagadun niyu sa darangin una hintay kanyu magustuhan, pihu ipakaun inda sa kanyu.

Balaw duy kamu ti nagpili sa kangku. Aku ngap ti pinmili sa kanyu, kang ipinablag kamu ginan sa kalibutan hampay kamu umatag tumupad sa buruwatun ag hampay udyi madura hanggan aban ti pakinabang niyu manga binudlayan; ipakaun Ama sa kanyu una hintay kanyu hagadun sa kanya dahil kamu napasakup sa kangku.

Unman may pagmahal lalu waya daka sa inda nu balaw inirangan usa ka tawu kay buhi sa kay pagmahalun pag manga tawu.

Nu may manga sanga sa kangku unman magburak, kay pungpungun niya. Ti kada sanga magburak puldan niya kay baliw hampay lalu mamurak.

Inda yi ngani kang pag-ibilin sa kanyu, pagmalahalan gid kamu sa usa kag sa usa, parihu diman sa kang magmahal sa kanyu.

Nu parargu kamu magburak mayamu, kang Ama dayawun manga tawu, ag siyun pag makitan kamu kang manga tuludluan.

Bag-u sinabi ni Hisus magkun, “Aku ti tutuu pag puun ubas. Kang Ama tig-alaga.

Nu ti tawu napablag yi sa kangku, iyamut siya malayung bag-u parihu diman ga manga sanga tipunun siya, bag-u isawug sa apuy hampay sunugun.

“Inda tanan duy kang itinultul sa kanyu hampay magbaya kamu parihu sa kang magbaya ag hampay lubus yi lang gid magbaya kanyu tagipusuun.

Nu tupadun niyu kang manga bilin, balaw yi kamu miblag sa kang pagmahal sa kanyu. Parihu diman ga kang magtupad sa manga bilin niku Ama, unman diman aku miblag sa kay pagmahal sa kangku.

Inda yi ngani kang pag-ibilin sa kanyu magkun, pagmalahalan kamu sa usa kag sa usa.”

Nu abi kamu manga taga kalibutan, pagmahalun mana kamu manga taga kalibutan dahil minsan kamu sa kanda. Dapat ay kamu kang yi pinili ipinablag ginan sa kalibutan, nakan kamu pagkagalitan manga taga kalibutan dahil udyi kamu minsan sa kanda.