Popular Bible Verses from Madiu 7

Deildu

Nee ale menda dia deandare Gode repara konge dendare nee ora gilia. Neeme ale menda go waisalo loma waidindare neeme ora andawili. Godena pora gape dindare nipumi pora ora lombelea.

Go einare ali apimi Gode para yainya pula ara ale menda nipu para konge deandare mo konge dea alenu ora milia, lisaya. Gupuma ali mendame ale menda aisaya piliandare ora andawilia, lisaya. Gupuma ali mendame pora pombae ale para epa koro deandare ali mendame go pora nipu para ora lombelea, lisaya.

Go einare menda apimi nina angele pangoma puaya ali nipuri ande kone waru suma kana mandaa anda eloaya ali mandana.

Mendame nee repara epepe aunu pina kone siale rupa mandare neeme pange nimu repara go au pape. Go aunuri ande Mosesina walisaya Rudule Angelena ree pange ande poropedi alinumi walisimiya angelenuri go eina gole leeme.

Go peapare ande endoaya eina pula pora gapere rengepelea pange go para popere rendaa peandare reposinda komea go para kondo pambeme.

Rengepele pora gape parayame kondo pambalepape. Akepeare ande repana ralo ae para pora gapere pealea. Gupuma pange go para puluri rendaa na-pea. Gupuma wenaali andapu go parayame peme.

Nimiri koae alinuyapare golere nimina nakinu repara epepe alenu ma-alalore waru andeme. Nena apa Gode ora epe ali so yaa nane aya alimiri ale menda nipu repara konge dendare ora epepe alenu andapu gilia.

Neeme menda kone waru na-wi ara wenaali na-rali pape. Akepeare Godeme nee na-rali pilia. Akepeare neeme go wenaali rali pili rupare Godeme nee gurupa nee rali pilia.

Go peapare go neme lalo angele na-pangoma puaeme alinuri keyali mendame ipa kekelena anda elisaya ali mandana.

Nena lee para polopelea repana rombe na-ande arare wala nena yangona lee para ralea onge kodosiri akepea andaluameya lalepae. Neeme mo nena lee para polopelea repana rombe pa polopele-ainyare nena ame para lalo ara lalore neeme nena kodosi pea ei kunu rumbano lea auri akepa lalepae.

Yayapi poropedi alinu waru andere-alepape. Nimu andelendare mandare sipisipi menanu leale epola pemepare golere no nimuna ruparare ora rarane yananumi gole pimi. Nimu ande auri nimuna pilimi aunumi gole andasiali. Poke porenuri reke ae repanana na-poro aya pange mambo reke ae repananare poke pore na-edea.

Gurupa mandare epe repananumiri epe kili edeme pange koae repananumiri koae kili edeme.

Epe repananare koae kilinu na-edea pange koae repanana epe kilinu na-edeme.

Epe kilinu na-ele repananuri repanana po kiruame.