Popular Bible Verses from Madiu 5

Deildu

Ali mendame lamepa keoma kopo andaloma siape-na-ya. Go au pula pea rupare nipumi mo lamepa keo suaya lena keo siapeya. Mo lamepame paa piliandare mo anda para pimi wenaalinu raayo paa adea. Gupuma nimina paa pi ei pa waru pinya dapape lisaya. Go au pimi einu andenaya pange nimumi nimina epe au pimi einu andala ara nimina Apa yaa nane aya Godena bi minyasiada ara mo keo siaeme lamepa paa pia rupa nimina lamepa wenaali para paa waru alena dapape, lisaya.

Gupuma nimiri suna wenaali raayo para paa pi ei alape wenaali mandana aeme, lisaya. Wenaali mendame andaa anda kana rumuna edeandare go andaa andare kundiri pape-na-ya, lisaya.

Godena aunu pape eina komea raname komo-aeme repaame raname komena. Nimuri Gode andeleme.

Mendame enda reame komala ara pange ipa nala pia rupa Godeme paliminya kone suaya aunu puaeme repaame raname komena. Godeme nimuna rana pi aunu palia.

Nimimi go angele pangamepare ambia gosi neme nimi para angele rando menda lalo. Nimimi nimina yanda runguli wenaalinu para pumi komala ara komea pi lala ara nimina Apa yaa nane aya Gode para komea yainya pala pipape, lisaya.

Godena aunu nimuna rupara waru na-rumbilia kone suaeme repaame raname komena. Go wenaaliri Godena Yaa Nane Wia Ki Rambuao-aya Ei nimuna ei.

Kuma pi rupa ao-paduameyanda ma-paliao aeme repaame raname komena. Godeme go repaa nipuna si wanenu dea.

Koma suaeme mandana wenaalimi raname komena. Godeme nimuna pu konenu ma-puri palalia.

Godena rana pi aunu pimi eina rendaa midame alinumi raname komena. Go wenaaliri Godena Yaa Nane Wia Ki Rambuao-aya Ei nimuna ei.

Menda menda repara epepe aunu puma yarame kome aunu puaeme repaame raname komena. Godeme nimu repara pange yarame komelea.

Nimi nina kou nane ralemenda nimi repara yayapi angele loma pange ewaisa pi angele loma rendaa guaeme repaa nimimi raname komalepape. Nimimi ora raname waru komalepape. Akepeare nimina yangi ora andaai Epeni nane wia. Ambalande poropedi alinu pange go rupa rendaa alisimiya rupa pimili.

Kuma pu-ao-aeme wenaalimi raname komena. Nimumi Godeme gula lea alenu milimi.

Gupuma Yesumi nimu para lalore, Nimiri go suna aipa mandana aeme, lisaya. Go aipa kodeandare wala na-ma-epealimi. Go aipare ora kodeandare wenaalimi kama nane rumbelemendare gore wenaalinumi rambua rambua pilimi, lisaya.

Go eiri nimina Apa Gode pange rendepona aya rupa ara alepape, lisaya.

Neemere E o Dia pi komea lape. Akepeare neeme de angele mendare koae remo repara piruma ipula.

Yesumi wenaali para lalore, Ambalande nimimi pangamende angele gurupa lea. Wena o ali mendame nena lee ma-koyaliandare gore neeme nipuna lee ma-koyape, lea, lisaya. Angele mendare gurupa lea. Wena o ali mendame nena angaa ma-koyaliandare gore neeme pange nipuna angaa ma-koyape, lea, lisaya. Go ambaisena angele laapore nimimi pangoma kone wimipare neme nimi para angele menda gurupa wadoa. Wena o ali mendame nee para rono pangala ara koae koae au piliandare neeme wala go wena o ali para yangi wala na-liiape, loma lisaya. Wala mo wena o ali mendame nee para ipuma nena popeke nane paena nipuna kimi diandare neeme wala yangi na-liiape. Nipumi nena koya nane pae pange liinya lape loma lisaya.

Go einare nena popeke nane leeme koae aunu ma-paluame piliare ambe yoko rumbape, lisaya. Neeme nena do mendane einu raayo yoko rumbelendare nena do raayome repana roaya nane na-ma-pelea lisaya. Go rupa nena popeke nane kimi koae aunu ma-paluame piliare gore ambe rungulu rumbape, lisaya. Go peapare nena do mendane einu alu paliandare gore nena do raayo go repana roaya nane na-pelea. Go peapare nena do sese punu kone wilindare gore nena do raayo repana ralae para pelea.