Popular Bible Verses from Ruuka 22

Deildu

“Raata, araabha ukeenda, enisabhwa unsoosisye‑wo omutawo gunu gwa ebhinyaasyo. Nawe, jisige okubha rwa kutyo anye eneenda, tari rwa kutyo awe oweenda!” [

Nawe, naakusabhirwa ku‑Nyamuwanga, korereki eriikirisya ryawo ryasiga okugeruka‑ko. Omwanya gunu urinsubha‑ko, ukomeesye abheejaanyu.”

Neeya ˆnaagega omukaate, ˆnaasiima Nyamuwanga, ˆnaagubheganya, ˆnaayaana abheeyigisibhwa bhaaye, ˆnaabhabhwira ati, [“Gunu nigwo omubhiri gwani gunu oguja okusoosibhwa inguru yeemwe. Mubhega nimukora kutyo, mu‑kunyichuka!”

Nyabhuriko, bhejire bhaamara okurya ebhiryo, ˆnaagega omutawo gunu gwariga guri‑mo echifuufu, ˆnaayika ati, “Echifuufu chinu mu‑mutawo munu echimereegururu indagano inyaaya inu Nyamuwanga arikora okutura isagama yaani. Isagama yaani iriitika inguru yeemwe.]

Yeesu omwanya gunu aariga achaari na obhusurumbaaye bhwafu, ˆnaagenderera okusabhwa Nyamuwanga. Amooyiro nigamwitururuka, nigatonyikaga aasi rwa amatonyinga ga isagama.]

Nawe mwasiga okubha kutyo. Agati yeemwe, omukuru abhe rwa omurera, na omutangasya abhe rwa omukosi ku‑bhandi.

Yeesu ˆnaamusubhya ati, “Peetero awe! Enikubhwira ati, reero rikookorome richaari okukookoroma, owubha waanyigaanire kasatu ati, utakummenya.”