Popular Bible Verses from Mateus 15

Deildu

Awer, was aus em maul khomt, khomt fom hërts. Is tas woo macht tas en person net sauwer playpt. Wayl is fom hërts woo ti xlechte ketanke khome, ti toot krimes, ti eepruche, ti seksual imoraliteet, tas xteele, tas liye un tas xlecht xpreche fon te anere.

Is net was torich es maul rin khomt woo macht tas yemant net en sauwere mënx is. Kraat es keeche teel, was aus em maul raus khomt is was khan mache tas en person net sauwer is.

“Hërkot saat: Tas folek mit sayn munt saat tas se mich rexpekteere, awer in te woerheet is tëne sayn hërts wayt wech fon mich. Tëm folek sayn aan peetung is unnutslich, wayl tii unterichte ti mënxliche kesetse wii wën tas mayn kepoote weere.”

Yeesus saat: — Fraa, tuu host fiil klaawe! Tas es kemach kept was tuu wilst! Un in tëm momënt is tëm sayn tochter keehelt kep.

Tan is se khom, hot sich an Yeesus sayn fiis kekniit un saat: — Hër, helef mich! Yeesus saat: — Is net richtich es proot fon sayn khiner wech hoole un te hunt hiin xmayse. Ti fraa hot keantwort: — Yio, Hër, awer sokaar ti huntcher frese ti krimle woo fom tix fon sayne hër runer fale.