Popular Bible Verses from Mateo 10

Deildu

Intoloy Jesus a engowan cha disipolos to i “Nemnem jo jay. Kowan ito-no kayon inges toy kalniron onkowan cha kawad-an na emanekot iren aso. Isonga, mesepol a edaing kayon inges toy oleg et nagwariy basol jon inges toy kalapati.

Tep sema toon menepi na biyag to, ma-tiw cha si-katho, nem sema toon metiy kagol na pamati thod si-kak, may-i-kanan na biyag a nagwariy pengingkaan to.

Enog i tiyahotan i toon piyan chen memono na angel jo tep nat mebedin cha pay a bonoen i ispirito yo. Sema tekothan jo kitdi, si Afo Chiyos tep si-kathoy gwariy panakabalin ton menosa na angel tan ispirito pay cha inpiyirno.

Sema ngon nat menakbat na koros to et mekiolop cha si-kak, nat iyaykari pay a maybilang a disipolok.

“Isonga, angken siyen toon naengowan i naematid si-kak cha sangoanan na too, konen ko ngo i iyayka-chom cha si-kak cha sangoanan Awak a gwared dangit. Nem angken siyen toon naengidibak i naematid si-kak cha sangoanan na too, idibak ko ngo i ekika-chom cha si-kak cha sangoanan Awak a gwared dangit.”

Pemapteng joy mansekit, panpawil joy etiy, piged joy mansekit a paladoy kolid cha, tan chagchag joy dimonyos. Iyay-i-kan maliy karebengan jon nagwariy bayad to, isonga enog ngoy inpabayad i tolong jo.

Isonga, enog i tahot tep epateg kayo iy say piyen tilin.

Et kigwan pay Jesus i “Enog i kigwan i kimowanak alin mengi-kan na talned ja dobong. Tep ekak kimowan alin mengi-kan na talna, no diket kimowanak alin engitahin na ispada