Popular Bible Verses from Juan 1

Deildu

San bënni'a gulazi'ke Le' len gulayajle'ke Le', bnëëdzje kieke yëla rnabe' lake xi'ine Dios.

Kati zia'a sulau yugute' chik'z de Diidza'a; len bënni'a nake Diidza'a gzue' len Dios len Le' nake Dios.

Yëla yeni ni rze'ni ga nak'tzka chul len yëla chul ni ti rzaki'i kzuul ley.

Bënni'a nake Diidza'a beene kuine bënni bunach len gzue' len ro'u. Len ble'i'ru yëla Xhën kie', yëla Xhën le bnëëdzje kie' Xuuz'ru Dios, le' nake Xi'ine lazdui, nadze'iz'de yëla nadxi'i len yëla li.

Lu ne'e Le', Dios beene yugute'; gat'ga de le ku beene Le'. Len le' gzua yëla naban, len yëla naban'a guk yëla yeni ki yugute' bunach.

Bueikj dza'a Juan ble'i'de Jesús gbiige'e ga'la ga ze' le', len gne': «¡Guluyu'tzka, bënni'a nake Bëku'xhiila kie' Dios, bënni rgue' dula ki yëdz'lyu!

Bënni'a nake Diidza'a gzue' lu yëdz'lyu; len zala Dios beene yëdz'lyu lu ne'e Le', bënni'a nak'ke ki yëdz'lyu ti gulumbe'e Le'. Lu yëdz'lyu kie' biide, san bënni'a nakik'de kie' ti gulazi'ke Le'.

Ley'kz yëla yeni le rze'ni yugute' bunach za' yëdz'lyu ni.

koma xhba kie' Dios lu ne'e Moisés benne, san yëla rak'len kie' len yëla li lu ne'e Jesús benne.