Popular Bible Verses from Matius 16

Deildu

Om pitangar nogi dii i Yisus dagai di tongotulunJo, do kaDisido, “Isaai nopo uvang maja Dogo, misti do olinganno i kouvanganjo kondiri, om monimban di salibjo, irino do mijau matai nga sumangal diri kasansaraanjo sabap aparsaya Dogo, om maja nogi Dogo.

“Om Ioku nogi nga mitangar dikau do i Pitrusko. Om timpak do vatu tagajo ditino poingkakatanKu do iso poiuntunan do tulun i aparsaya Dogo, om insan poijananpo di tongotulun di apatai nga auno kakala diolo.

Om onuanKu ika nogi do kuasa siri Kopomorintaan di Kinoringan. Om onuu nopo potingkodonnu siti vonuvo nga potingkodon nogi di Kinoringan soi suruga laid. Om onuu nopo ililanu siti vonuvo, nga ilila di Kinoringan soi suruga laid,” kadi Yisus.

Do isaai nopo momiara noopo do kovijaanjo kondiri nga irino oliangan do kovijaan diri auso koovion. Nga isaai nopo oliangan do kovijaanjo sabap do maja Dogo nga irino kaanu kovijaan diri auso koovion.

Sabap ausoi kountungan do tulun insan asanganupo disido kasangkat iti vonuvo nong apatai i tatodjo. Au dii kopituuk do kovijaan di tulun diri auso koovion.

Nga kadi Yisus, “Nong ikovu, isai Oku kaandaman muju?” ka. Jawapno dii i Simun Pitrus, “Ikano i Koristus, i Tanak do Kinoringan i poimvijau,” ka.

Nga kadii di Yisus, “Uu Simun tanak di Yaya, ososogitkono, do mantad diAmoKuno silo suruga monuduk dika, okoniko mantad do tulun do monuduk dika dino,” kadi Yisus.