Popular Bible Verses from Matius 12

Deildu

Nga mitangar Oku dikovu do tikid-tikid nopo diri tinangaran muju diri auso guna-guna do pinatangar muju nga ikovuno kondiri mananggung diri ontok do Tadau Kopongukuman. Do mantadi di tinangaran muju do pakabanaron kou ko ukuman kou di Kinoringan,” kadi Yisus.

Oi tulun taraat, ikovuno irad do koturunan di vulanut do araat gaagaya muju. Au kou kadapat mitangar diri aandai, do ginavo muju nopo nga nokolobi karaat. Do onuu nopo iri si ginavo muju nga irino tangaron muju.

Nong aandai nopo i tulun, nga aandaino iri mimbulai mantad si ginavojo. Nga araat nopo i tulun, nga araatno iri mimbulai mantad si ginavojo.

Nga irad nopo dino patangaronKu marong dikovu iti do ompunani kasangkat do duso, om i tongotulun mangararaat do Kinoringan nga ompunani. Nga iri nopo tulun do mangararaat di Tatod Tolidang om au ompunan.

Om kadi Yisus kavagu, “Nong aandai ilo puun, tuva nogi disido nga aandai; nong puun taraat, tuva disido nogi nga araat. Do irino tuva do puun pongintutunan muju do aandai ko araat.