Popular Bible Verses from মথি 7

Deildu

“তংগি, নাংরোগু পিইমি; হ্রাগি রাঃমি; তুয়েংখাগু খককে, নাংরো কিজু হ্লপিইমি।”

যাসুউরো লুঃরি, য়াংসুউরো আলুংসুউ রাঃরি; যাসুউ হ্রারিলি, য়াংসুউ রাঃরি; অর যাসুউ তুয়েংখা খকতিলি, য়াংসুউ ‍কিজু তুয়েংখা হ্লপিইরি।

“য়জংকিজু প্ররি, খ্যাংসুউমুছু ঙামা ‍দিঃ আলুং চাঃগারোগু নাঃথংলো ক্যাংরি য়াংসুউচা প্রলৈন্হইঅং তয়ক পৈঞাস্যাং, যাসুউচা ক্যক আথাকমা কোঃ ইংগু ছকলিইরি।”

নাংরো লুঃউরোগা যা পুয়েং আসুং রাঃখ্যাংলি, য়াং পুয়েং লুঃউরোগু সুংগে। দিঃচা ফ্রইতি মোশি ক্যাংওয়েমা অর রিসিইরোমা আরাং চাঃগা।

ছুগি যা লেংচা আকং লঃগাদুঃ য়ুউ লাঃরি, য়াং লেং লেংখুওয়াচা আশ্যি, লেংলি আশ্যি। কংগং আন্হই লুঃউ য়াং লেংগু হ্রা রাঃরি।

“আশ্যি লেংখুওয়াগা ওয়ংগে, আক্রংগা যা লেংগা লাঃগি প্যাকফুলিঃ লেংখুওয়াচা আগ্রিই অর লেংলি আঃকি। লুঃউম্যারোচা য়াংচাগারা ওয়ংগেতিব্যা।”

নাংরো মকং ফ্রইপতয়ং কুঃ সাঃ-সিমিংগু আকং আকং ওয়েং পিইরি, ছুগি যাসুউরো নাংরোমা গংখাং ফুংমা ফাখাংগো তংরি ছুগি, ফাখাংগা য়াংসুউরোগু আকং আকং ওয়েং পিইফু য়াংচাগা প্রসামাক্যাব্যা!

“নাংরো লুঃউরোমা আপ্রইকো রাঃরো মিনিংগেকি, যাফুলিছুগি নাংরো আপ্রইকোলি মকৈংরাঅং, আক্রংগা যা পুয়েং নাংরো লুঃউগো আপ্রই খ্যারি, য়াং পুয়েং নাংরোগুলি আপ্রই খ্যাফু, অর যা পুয়েং নাংরো খ্রাং পিইরিলি, য়াং পুয়েংলি নাংরোগু খ্রাং পিইফু।”

খ্যাংসুউমুছু ঙামা দিঃ আলুং চাঃগারোগু নাঃমুথং, মাক্যাং য়াংসুউচা প্রলৈন্হইঅং তয়ক পৈঞা মিহিক লুঃউ, যাসুউচা সিঃলিই প্রাংমা ইং ছকলিইরি।

“নাংরো কোঃ ঞিং ম্যাকচিমা ম্যাকখিইগুরা ম্রাংরিব্যা, প্রফুছুগি কোঃ ম্যাকখি তদংগো যাফু মাম্রাংলিঃ?” নাক ম্যাকচিমা যাখা ম্যাকখি তদং হিকরি, য়াংখা যা পুয়েং প্যাংরো নাক ঞিংগো প্ররিলি, ‘লাঃ, নাক ম্যাকচিইগা ম্যাকখিগু থুওয়েবৈমি’? ক্রংসুউদ!

“ক্রংসুউদ রিসিরোগু য়ুউরো সিঃধিরেকে। য়াংসুউরো নাংরোবাদুঃ সাংফ ছুয়িই ম্যাকহ্নানা লাঃরি, য়িগিলি চিই আথিঃমাচা য়াংসুউরো কিগুরুক ঞ্যংব্যা।” য়াংসুউরো লঃগামা কাইংগু ম্রাংরো, য়াংসুউরোগু সিকমিব্যা। উকখ্রোংমা চব্যসিই অর ক্রংখ্রঃ চুউবাংমা সাবুওয়েসিই সিইরি লঃ?

য়াংচা পুয়েং তাবাংমক্যুয়েং আকং আপাংমা অাকং আসিই সিইরি অর মকং আপাংমা মকং আসিই সিইরি।

আকং আপাংমা মকং আসিই অর মকং আপাংমা আকং আসিই তাখালি মিসিই।

যা আপাংমা আকং আসিই মিসিইলি, য়াং আপাংগু খুওয়েরো মিংমা থিঃরি।