Popular Bible Verses from मत्ती 6

Deildu

इःनाङ तोःङ्ला कोन्ज्योइ क्याःल्खाप छोल्दो ओःले खुङगीइ आज्ञाक्या ङीःन्दो, ओःले खुङगीइ दी थाम्जेर ताम ख्योक्याला पाःतेर्केन एः।

ओः सोङ्‍गारा, ङार्तोइ लागी तुःङाल माःबे, चीलेलाःना ङार्तोइ ङीःमाइ लागी ङार्तोइ राःङगीइ तुःङालरा ओःङेन एः। तीःरीङगीइ तुःक्पु तीःरीङलारा दाङ्जे एः।”

ओः सोङ्‍गारा, ङाः ख्याक्याला लाःके, सेन्जेइ लागी ‘ची साःगा ओःले ची थुङ्‍गा’ लाःती ओःले राःङगीइ जुबुइ लागी ‘ची केःङ्‍गा’ लाःती तुःङाल माःबे। ची मीःजी साःगेन स्याः भन्दा ओःले जुबु केःङेन केःला भन्दा छ्‍योम्बो मीःङे रा?

इःनाङ ख्योक्यादी प्रार्थना पेःगासुना कोठा नाःङ्ला स्युःदी कोः चेती सुइयाङ मेःथोङेन आबा कोन्ज्योला प्रार्थना पेःदो। ओःले ख्योक्याइ खाजुम्माले पेःक्योक लेःगा थोङेन आबा कोन्ज्योइ ख्योक्याला इनाम तेर्केन एः।

ख्योक्यादी एःन्डुले प्रार्थना पेःगेन्दी पेःदो, ‘नाःम्खालीङला तेःकेन उःइ आबा कोन्ज्यो, मीःक्याइ ख्या चाङ्मा कोन्ज्यो इःङे लाःती ङोःसेज्युक। ख्याइ क्याःल्खाप ओःङ्ज्युक, ख्याइ सेम थेक्योक ताम नाःम्खालीङला चोङ्‍रारा दी साजाम्बुलीङलाङ छाङ्ज्युक।

ङीःमारी टाःङ्मा कोःकेन साःप्च्या ङीःला तीःरीङाङ ना।

ङीःइ वीरुद्धला लाःयो पेःगेन्दीक्याला ङीःइ क्षमा पेःक्योक च्योःङ्‍रारा, ङीःइ लाःयोक्या क्षमा पेःतेर।

ङीःला छ्‍योम्बो परीक्षाला लेप्माच्यु, इःनाङ ङीःला माःरीक्पा लालाःम्‍ले थार्च्युतेर। [चीलेलाःना क्याःल्खाप, ल्हे ओःले महीमा तेन्दुइ लागी ख्याइदीरा इःङे, आमेन।]’

ख्योइ वीरुद्धला लाःयो पेःगेन्दीला क्षमा पेःसी लाःना नाःम्खालीङला तेःकेन ख्योइ आबा कोन्ज्योइयाङ ख्योक्याला क्षमा तेर्केन एः।

च्याःज्युङ्माक्याला तादो, खुङक्याइ ना सेन ताप्कुबा, ना डु तुःदी योःङला ज्याउबा, इःनाङ ख्योक्याइ नाःम्खालीङला तेःकेन आबा कोन्ज्योइ ओःखोक्याला साःजे तेर्कुए। ची ख्योक्या ओः च्याःज्युङ्माक्या भन्दा माःङ्बु रीःनगीइदी म्याःपा रा?

राःङगीइ लागी साजाम्बुलीङला नोःर क्युःक्या रुःप माःजो। दीला रुःप जोक्योक नोःर क्युःक्याला नी बु क्याःप्क्योइ, चाइ साःउए ओःले कुमेनगीइ कुउए। बरु राःङगीइ लागी नाःम्खालीङलारा नोःर क्युःक्या रुःप ज्योदो। ओःला रुःप जोक्योक नोःर क्युःक्या नी बुङ मेःक्यापए, चाइयाङ मेःसाए ओःले कुमेनगीइयाङ मीकुए। चीलेलाःना काःला ख्याक्याइ नोःर क्युःक्या एःपा, ओःलारा ख्याक्याइ सेमाङ ओःङ्‍गुए।

काःन्दीङ लाबुइदी ङीथाल ताःक्पुक्या ओःङ्मीःखुए, चीलेलाःना खुङगीइ चीगला हेला पेःउए ओःले राःङ्साला च्याःम्बु पेःउए, की खुङगीइ चीगकीइ लाःक्योक ङीःन्गुए ओःले राःङ्साइ लाःक्योक मीःङीन एः। ओःन्डुलेरा ख्योक्याइयाङ कोन्ज्यो ओःले नोःर ङीक्‍कारकीइ लेःगा थाङ्मा चीगलारा पेःमीःखुए।

तीःरीङ एःकेन्दी ओःले ङार्तो मेःला सातेर्केन मेःन्दोइ चाला नी कोन्ज्योइ एःन्डुले छेदी ज्याउए लाःना, ची खुङगीइ ताःरुङ माःङ्बु पेःदी ख्योक्याला मेःज्याबा रा? ख्योक्याइ सेमल्हुक खोइ ले?

ओः सोङ्‍गारा, कोःकेन मीःक्याला तेर्कासुना च्याःबु लाःक्पाइ तेर्क्योक योमा लाःक्पाइ माःछोर्च्युक। तेर्कासुना खाजुम्माले तेर ओःले खाजुम्माले तेर्कासुना थोङेन ख्योक्याइ आबा कोन्ज्योइ ख्योक्याला इनाम तेर्केन एः।

“च्यागाताःक्पु पेःदी तेः, ख्योक्याइ मीःक्याला तेङ्जेइ लागी धर्मकर्म माःबे। मीःङे लाःना नी नाःम्खालीङला तेःकेन ख्योक्याइ आबा कोन्ज्योलाःम्‍ले ख्योक्याइ चीङ इनाम मेःज्योर्केन एः।

खा चाङ्मा तेःकासुना खोक्नाकक्याइ च्योःङ्‍रा पेःदी ख्योक्या छेन्दा नाःक्पु माःजो। खोक्नाकक्या नी खा चाङ्मा तेःती एः लाःती राःङ्साला तेङ्जेला छेन्दा नाःक्पु जोदी तेःकुए। तेःन्दामरा ङाः ख्याक्याला लाःके, खुङक्याइ ज्योर्कोःन्दी इनाम ज्योर्सीःङ्दी एः। इःनाङ ख्योदी खा चाङ्मा तेःकासुना तोःङ्बा ठुदो ओःले गोला माःर्कु टुःल्दी तेः। एःन्डु पेःगासुना मीःक्याइ मीःङे, इःनाङ मीःक्याइ मेःथोङेन ख्योइ आबा कोन्ज्योइ चीग्रा ख्यो खा चाङ्मा तेःक्योक थोङेन एः, ओःले ख्योइ खाजुम्माले पेःक्योक लेःगा थोङेन ख्योइ आबा कोन्ज्योइ ख्योला इनाम तेर्केन एः।