Popular Bible Verses from मत्ती 1

Deildu

से यक कुआ जमाणती। तोउ तसे नओं यीशु रखुंण किस कि से अपु मेह्‍णु तेन्के पापी केआं बचान्ता।”

तेन बोलो थिउ कि “हेरे! यक कुवांरी कुई गभुरवाल भुन्ति त यक कुआ जमाणती त तेस नओं इम्मानुएल रखते” जेसे मतलब असा कि “परमेश्वर असी जोई साते असा।”

जपल से ई सोचुण ईं लगो थिआ दे प्रभु स्वर्गेदूत सुपने एई कइ बोलुण लगा, “ए यूसुफा, दाऊदे कोईया! तु अपु जुएली अपु गी अण्हुण जे डर नउ, किस कि जे गभुर तसे पेट अन्तर असु, से शुची आत्माई कनार भो।

यीशु मसीहे जनम ईं भुआ: जपल तसे ई मरियमे छक यूसुफ जोई भुई, त तेन्के दुहि के साते उंघुण केआं पेहलाई तस पता लग गा कि से शुची आत्माई बेलि गभुरवाल भुओ असी। तसे धाणि यूसुफ, जे धर्मी मेह्‍णु थिआ से तेस बदनाम करण न चहन्ताथ। त तेन मठे तेस छड़ देणे सोचु।