Popular Bible Verses from मर्कूस 4

Deildu

येशू जग्लाँ, तब् ऊ आँधी और छल्काहे घघोट्लाँ, और समुन्दरहे कलाँ, “शान्त होजा! वहैँ रुक्जा!” आँधी और छल्का थमगिल, और वहाँ शान्त होगिल। तब् येशू चेलनसे पुँछ्लाँ, “तुहुरे अतरा काकरे डराइल बतो? का तुहुरिन्हे अभिन फेन विश्वास नै हो?”

पर ओइने गजब डरागिलाँ, और एकदोसर जहनसे कहे लग्लाँ, “यी कसिन मनैया हुइँत? यी ते आँधी और छल्काहे फेन अपन कब्जामे करलेथाँ!”

येशू लाउक पाछेक हिस्सामे सिरहन्नी धारके सुते लग्लाँ। एकफाले बरवार आँधी आइल, और लाउक उप्पर उप्परसम पानीक छल्का मारे लागल। और लाउ पानीलेके भरे लागल रहे। तब चेलनके येशूहे जगैलाँ, और कलाँ, “गुरुजी, लाउ डुबे लागल, और हम्रे फेन डुब जैबी! अप्निहे कुछु वास्ता नै हो?”

येशू ओइन्हे यी फेन कलाँ, “तुहुरे ज्या सुन्थो, ओम्ने पूरा ध्यान देऊ। तुहुरे जतरा लग्गेसे सुन्बो, तुहुरे ओत्रै धेउर बुझ्बो।

तब् येशू ओइन्हे कलाँ, “परमेश्वरके राज असिन किसानके हस हो, जे जमिनमे बिया बुइत, हरेक रात ऊ किसान सुतत, और हरेक दिन ऊ खेट्वामे काम करत। बिया जामत और बाह्रत, पर किसान नै जानत कि यी कसिके हुइत।

यदि तुहुरे बुझे चहथो कलेसे, यी बातमे ध्यान देऊ कि मै अब्बे तुहुरिन्से का कनु।”