Popular Bible Verses from मर्कूस 11

Deildu

तबेकमारे मै कहतुँ, जब तुहुरे प्राथना करथो और कुछु मंग्थो, ते यी विश्वास करहो कि ऊ तुहुरिन्हे पक्कै मिली, और ज्या फेन तुहुरे मंग्बो, परमेश्वर तुहुरिन्हे दिहीँ।

जात्तिके मै तुहुरिन्हे कहतुँ, ‘तुहुरे यी पहाड़हे कहे सेक्बो, उँखरके समुन्दरमे गिरजा’ और ओस्तेहेँ होजाई। पर अपन मनमे शंखा नै करहो, कि असिन हुई। बेन विश्वास करो कि जोन ऊ माँगल बा, परमेश्वर ऊ करदिहीँ, तब् परमेश्वर ओकर लग करदिहीँ।

पर जब तुहुरे प्राथना करबो, तब् तोहाँर मनमे केक्रो विरोधमे रिसिबी बा कलेसे उहिहे माफ करबो कलेसे स्वर्गमे रहुइया बाबा फेन तुहुरिन्के पापहे माफ करदी।

येशू अपन चेलनहे जवाफ देलाँ, “विश्वास करो कि जोन तुँ माँगल बतो, परमेश्वर उ करदिहीँ।

तब् फेनदोस्रे येशू मनैनहे शिक्षा देलाँ, “पवित्र शास्त्रमे असिके लिखल बा, परमेश्वर यरुशलेमके मन्दिरके बारेम कहल्ताँ, ‘मोरिक मन्दिरहे सक्कु जातिनके मनैनके लग प्राथनक घर कहिजाई।’ पर तुहुरे यिहिहे डाँकनके जमा हुइना ठाउँक रुपमे प्रयोग करतो।”

ओइन्मेसे कौनो मनै येशूक आघे-आघे नेगतिहिँत। और कौनो मनै हुँकार पाछे-पाछे आइतिहिँत। और हरेक मनै जोरसे चिल्लाके कहे लग्लाँ, “धन्य हुइँत यी मनैया, जे परमेश्वरके अधिकारसे आइतताँ। परमेश्वरके जयजयकार होए!

परमेश्वरके अनुग्रह अइना राजमे बा, जोन हमार पुर्खा दाऊद रज्वक राज हस बा! परमेश्वर जे स्वर्गमे बताँ, हुँकार जयजयकार होए!”