Popular Bible Verses from लूका 6

Deildu

देऊ और तुहुरिन्हे फेन देजाई। मनै प्रशस्त मात्रामे दाब-दाबके जोरसे हिलाके, अँरैना मेरके तुहुरिन्के कोनामे धारदिहीँ। काकरेकी जोन नापसे तुहुरे नप्थो, वहे नापसे तुहुरिन्के लग फेन नाप जाई।”

एकथो मजा मनैया अपन मनमे रहल मजा चिजसे मजै बात निकारत। पर एकथो खराब मनैया अपन मनमे रहल खराब चिजसे खराबे बात निकारत। काकरेकी जोन बातसे मन भरल रहत मनैयक मुहेँमेसे वहे निकरत।”

पर अपन दुश्मनहे प्रेम करो, और ओइन्के भलाई करो। फेनदोस्रे मिली कना आशा बिना कर्ले सापट देऊ, और तोहाँर ईनाम भारी हुई। और तुँ परमप्रधानके सन्तान हुइबो। काकरेकी परमेश्वर गुन नै मनुइयनके और दुष्ट मनैनके उप्पर फेन दयालु बताँ।

तुहुरिन्के बाबा दयालु रहल हस तुहुरे फेन दयालु होऊ।”

“दोसुर जहनके न्याय ना करो, और तुहुरिन्के फेन परमेश्वर न्याय नै करहीँ। दोसुर जहनहे दोष जिन लगाऊ, तब् तुहुरिन्हे फेन दोष नै लगाजाई। माफ करो और तुहुरिन्हे फेन माफ करजाई।

“पर मै तुहुरे सुनुइयनहे कहतुँ, अपन दुश्मनहे प्रेम करो और घृणा करुइयनहे भलाई करो। सराप देहुइयनहे आशीर्वाद देऊ, और दुर्व्यवहार करुइयनके लग प्राथना करो।

मनै तुहुरिन्से जसिन व्यवहार करिँत् कना तुहुरे चहथो, तुहुरे फेन ओइन्के संग ओस्तेहेँक व्यवहार करो।

तुहिन्हे एकथो गालमे पिटुइयाहे दोसुर गाल फेन दोगदेऊ। और यदि कौनो मनैया मुद्दा चलाके तोहाँरिक झुल्वा लेना दाबी करता कलेसे, उहिहे तोहाँरिक कोट फेन दैदेऊ। तुहिन्से मगुइयन प्रत्येक जहनहे देऊ। और तोहाँर ज्यात्या लैजुइयनसे फेनदोस्रे जिन मंग्हो।

“कौनो मजा रुख्वा खराब फारा नै फराइत, ना ते खराब रुख्वा मजा फारा फराइत।

प्रत्येक रुख्वा ओकर फारासे फेन चिहिन्जाइत। काकरेकी काँटक झर्कत्तीमेसे केऊ फेन अञ्जीर नै टुरत, ना ते ऐँसेलुक झर्कत्तीमेसे अंगुर टुरत।