Popular Bible Verses from Ioane 6

Deildu

Iesu uiabi detager, kega, Kaka eded areto: abele le karim tabakeam, E nole iako uererge: abele le karim oituli, E nole iako ni ap.

Lamar de idgiri, gem nole lu kar: abele gaire mer kaka uabi detagereda, lamar pedali, pako eded.

Nole sagim kak buzbuz leuer, epe mamoro niai leuer, a tabarki eded aseamur kak, Le la Uerem ko uabi ikuar; abelelam Baba, pe Ade, abi detakobi.

Abara lag peike, kari namarida, kega, Gaire le uridili Uerem dasmerare, a abi oituli, uiaba eded nagri aseamur kak: epe kaka ko uiabi nakiamda keubu gerger ge.

Iesu uiabi detaut, kega, Ade ra dorge peik, ko oituli abim, E temarida.

Ui uridili Baba de kari nakuar ko karim tabakeuare; abele le karim tabakeam, kaka nole abi atua kak.

Simona Peteru abi detaut, kega, Kole, nitim keriba bakeam? mari dog gaire eded mer aseamur kak.

Kaka eded areto kotorlam tarabu; ese le eroli areto peik, E ko eded niai karem: abele areto kaka ko ikuar, abele kara gem, kaka ko ikuar ueakai gesepem eded.

Le nole umer kak karim tabakeam, ese nole abi egared Baba de, kari namarida: epe kaka ko abi ekiamda keubu gerger ge.

Abelelam Ade ra areto dali kotorlam tabi, a eded nakuarare gesepem.

Kaka eded areto.

Iesu gaire areto ekau; emetu esoao, E kaimeg giz naisuerare, a uiaba gaire le bamer naisuerare; a neisi lar ko, abkoreb uiaba lag. Uiaba kem osmeda, E abara kaimeg giz detager, kega, Gaire leuer mog etagarare, a nole nerute lu adem.

Emetu uiaba uzer mokakalam tuente faif a therti gaire setadia, uiaba Iesui dasmer tumem keper ge ekase, a maike nar ge: uiaba geum. E uiabi detaut, kega, Kakanali; uaba nole geum kak.