Popular Bible Verses from Qooccanchi Kitaaba 1

Deildu

Ee lasage Waa'i «Manna ni hagarannee ni kobi'llatonnee qooccinona; ixxuwwim wo'i woronne hee'oo qurxumme'e, iimanenne bararoo cii'a, fooraam diinatee uullanne mikmikoo qooccanchaa ee'isam uullaa hundam gassitona» yukko. Ee bikkina Waa'i ixxi hagaranne manna qooccukko; ixxi hagaranne qooccu mannam goonchoo meentichchoo issaa qooccukko.

Waa'im manna «Dut ikkehe, fikkaannehe, uullannem wo'mmehee uullam gassehee; Dambalaq qurxumme'e, iima'n cii'aa uullanne mikmikoo fooraam luwwaa hundam gassehe» yukko.

Luwwi hundiinsim gaassaa Waa'i iimanee uullaa qooccukko.

Ee ammane uulli mat luwwim bee'anee duuha'i la'isoobee'anee hee'ukko. Gambabbaakkoo tuunsim xillaalli wo'i woronne hee'ukko; Waa'i Ayyaanim wo'i hanenne chabbaa hee'ukko.

Waa'im «Caakki ihona» yukko. Caakkim ihukko.

Waa'im qooccu luwwi hundam moo'ukko; oohim lobakata eran hee'ukko; hiimukkom soodukkomoohim loh balli hee'ukko.

Waa'im caakki eran ihukkisa moo'ukko; caakkam tuunsiinsi annanni issukko.

Odim Waa'i mannina «Ki'nnuwwina hurbaat ihoo'isina sire'i yoo mutoo luwwaa sire'i yoo haqqi mishshuwwaa hundam ki'nnuwwina hurbaat ihona uwwaammo.

Waa'im caakka «Balla» yaa weeshukko; tuunsom «Hiimo» yukko. Hiimukkom soodukkom oohim luxxi balli hee'ukko.

Ee lasage Waa'i «Wo'o iimii aadii annanni issaa woroonii hanaanii egedoo luwwi ihona» yukko.

Ee'isam uullanne yoo moochchinaa cii'inaa uullanne mikmikoo fooraam luwwi hundinam mutaa latoo luwwi hundim hurbaat ihona uwwaammo» yukko; ee'isam ihukko.

Ee lasage Waa'i «Ballaa hiimoo annanni issoo'isina caakkuwwi iimanenne ikhonai ixxuwwim ayyaammuwwa, agannuwwaa hiinchuwwaa la'issona.

Odim Waa'i «Uulli annanni ihaakkoo sire'i hundam mutisona; sire'i hurbaataa mishoo haqqaa ixxuwwi sire'isanne mutisona» yukko; ee'isam ihukko.

Ixxim ee luwwa issukko; oo luwwim ixxeensi woroon yoo wo'oo ixxeensi hanaan yoo wo'oo annanni issukko; ee'isam ihukko.

Ee'isinne annanni annanni ihaakkoo sire'i hundam sire'i hurbaataa mishoo haqqaa ixxuwwi sire'isinnem uulli mutisukko; Waa'im ookki eran ihukkisa moo'ukko.

Ee'isinne Waa'i lam lob caakkuwwa qooccukko; eelliinchoo ballina aganaa hiimina caakkissamisa issukko; odim boollaankam qooccukko.

Ee lasage Waa'i «Uulli siidamoo'isina iimaniinsi woroon yoo wo'i mat beyyonne wixxihona» yukko. Ee'isam ihukko. Waa'im wo'bee'i beyyo «Uulla» yaa weeshukko; odim wixxaa yoo wo'om «Dambalaqa» yaa weeshukko; oo issu luwwi hundim eran ihukkisa moo'ukko.

Waa'im ixxuwwina «Dut ikkehe fikkaannehe dambalaq wo'onnem wo'mmehe; cii'im uullanne fikkaannona» yukko.

Ee lasage Waa'i «Uulli fooraam luwwi hundam ixxuwwi shumo'isam diinatee moochchaa mikmikoo biqinne shuroo qooccanchaa hundam lobokaa hoffokaa fissona» yukko. Oo hundim ixxi yukkisam ihukko.

Ee lasage Waa'i «Wo'i woronne annanni annanni fooraam luwwi hee'ona; cii'im uulliinsi hanaan yoo iima'n hafachchanne bararona» yukko.

Waa'im uulli moochcha; fooraam diinatee mikmikoo qooccanchaa ixxuwwi shumo'isinnem qooccukko; Waa'im ookki danaam ihukkisa moo'ukko.