Popular Bible Verses from Mataayo 24

Deildu

Ɨshi hu nongwa ya hwonjeelele ɨmbiibhi, ʉlugano lwope mwa bhantu abhinji lwahayibha ludoodo. Leelo ʉla wa‑ahayijimbiilila afishe hu malishilo, ʉyo ahayifyʉlwa.

ƗNongwa ɨNyinza ɨzyɨ wumwɨnɨ ʉwa hu mwanya zyahayilʉmbɨɨlɨlwa mu nsi zyonti, huje zibhe wusimishizi hwa bhantu bhonti. Ɨpo ʉmalishilo wɨ nsi wahayɨnza.”

Namwɨ lwa mwazyʉmvwa ɨnongwa ɨzyɨ lʉgʉ nɨ nkwekwesi ɨzyɨ lʉgʉ, mugandi ahwogope. Lyoli ɨzyo zihwanziwa afumile, leelo ʉmalishilo wahayibha wusɨɨle.

Ɨnsi ɨmo yahayilwa nɨ nsi ɨyamwabho, ʉwumwɨnɨ wumo wahayilwa nʉ wumwɨnɨ ʉwamwabho. Hwahayibha na mantensya agɨ nsi ɨpa na paala, ɨnzala yope yahayigwa. Ɨgo gahayibha wandilo lwene wɨ malabha, nanshi sha‑abhawa ʉnʼshɨ wa‑ahwanda apaape.

Ɨnsi nɨ vintu vyonti ɨvya hu mwanya vyahayishila, leelo amazwi gaanɨ saga gahayishila nka lumo.”

Abhantu abhinji bhahayibha bhahulibhombela itaawa lyanɨ hwi‑ilenga na‑ayanje huje, ‘Anɨ nɨ Mʼfyʉli.’ Abhantu ɨbho bhahayihubhagobela abhantu abhinji.

Abhantu bha saga bhamʼmwɨtɨɨshe ʉNgʉlʉbhɨ, bhahayihubhaviitilwa amwɨ pɨpo muhumbɨnjɨɨlɨzya anɨ. Nantele, bhahayihubhakhata huje bhabhalavye, hwope na hubhagoje. Ɨpo abhantu abhinji bhahayileha humbɨnjɨɨlɨle anɨ. Bhahayisambushilana bhɨɨbho hu bhɨɨbho na‑avitilwane. Abhakuwi abhinji abhi‑ilenga bhahayifumila, bhope bhahayihubhagobela abhantu abhinji.

Ɨpo ʉYeesu ahabhaamula ahaga, “Mubhanje maaso ʉmuntu wowonti agandi hubhagobele!

Ɨshi hu nongwa ɨnɨ, namwɨ muhwilɨnganyaaje! Anɨ nɨMwana wa Muntu nahayɨnza ahabhaazyo ha saga muhasʉbhɨɨye.”

Ɨshi mubhanje maaso, pɨpo saga mumɨɨnye isiku ɨlyo ahayɨnza ʉMwɨnɨ weenyu huje lyahayibha ndi.

“Leelo, hu nongwa yi‑isiku awe ahabhaazyo aha‑aweele hwanɨ, nʉʉmo ʉmuntu wa‑amɨɨnye huje zyahayibha ndi. Bhope abhantumi abha hu mwanya awe anɨ nɨMwana, tenti saga tizimɨɨnye lwonti. Lyoli ʉDaada ʉNgʉlʉbhɨ ali mwene wa‑amɨɨnye zyonti ɨzyo.

pɨpo bhahayifumila abhantu bha bhahayihwikwizya hwi‑ilenga huje, ‘Anɨ nɨ Mʼfyʉli!’ Peeka na bhakuwi abhi‑ilenga, bhope bhahayibhonesya ɨvimanyishizyo na mayele amagoosi huje bhalɨnje hubhateezye hwope na bhaala bha bhasaluliilwe nʉ Ngʉlʉbhɨ.

Ɨshi ahwɨnze hwanɨ nɨMwana wa Muntu hwahayibha nanshi ɨsho zyahali mu nsiku zya Noowa. Mu nsiku ɨzyo ɨmvula ɨmbiibhi lwɨ‑ɨsɨɨle ahwɨnze, abhantu bhahalyanga na‑amwele, bhaheegaga na hwegwe afishe isiku liila ʉNoowa lwa watʉʉha mu safina. Abhantu ɨbho saga bhahamɨɨnye lwonti huje hantu heenu hanza‑afumile afishe ɨpo ɨmvula ɨmbiibhi yahɨnza na hubhayazye bhonti. Ɨsho sha shɨɨsho hwahayibha ahwɨnze hwanɨ nɨMwana wa Muntu.