Popular Bible Verses from Ipakilya 3

Deildu

Ndô gw’ayeṉi ômwantô inè, erere zi r’eṽya gw’inya ni mèpe jeṉô gw’antyo, na zi pang’ôma gô dwaṉa n’imya, awong’ilônda ya zô anya yô, ava ke yô gôr’ôṉôm̃u wè, ko yè nya yô.

Ôm̃amba w’avegagi n’avôṉô vyagaṉô ni nyam̃y’edu y’ôrôve y’avangyô n’Anyambyè; n’awulinyi wô ômwantô inè: Rèti Anyambyè are bulya pa inè: Anyaṉi gw’erery’edu zi ntyaga?

Mi be fwele ndôṽa ntyo wè ntyo ômwantô, ntyo awaṉi wo ntyo awaṉi wè; wiṉo e be nyigyanyigya ewônjô zô, n’awè ô be nôm̃e ntumbu yè.

N’awulinyi yè ômwantô inè: Mi be buṉiz’izongo y’inyem̃e nyo; ô be jaṉ’awaṉa ni nkaza; ni nakiṉi yo yi be dwaṉa gôr’ôṉôm̃u wo, ndô ayè e be pangiṉo.

Ô be ny’inya n’erôgôra z’ôzô wo kwanga gô be fwinyo gw’iroy y’awongyô wè; konde awè n’iroy, na gw’iroy fwinyo kè.

N’awulinyi yè ôṉôm̃e inè: Gô re nè, ô re jogo p’inyôy ny’ômwantô wo, ko wè ny’erere z’azômbyi myè wè inè: Anya zô! ntye yi be dwaṉa savô pa g’ômwanji wo. Ô be ny’inya sa yô n’ijanja intyugu s’em̃èṉo zo sôdu

N’awulyi Yeôva Anyambyè inè: Mande abulinyo inè: Ô re tele? Ô re nya p’erere z’azômbyi myè wè inè, anya zô?

N’arômbi yè Adam; n’aweli yè gô nkôṽa yi tongwa ni nkômbe gô ntyaga y’Edèn ikerubin n’ôkwar’ôyômbwi w’awizawizagi nkôṽy’edu, gô penjavenjè mpoṉo y’erere z’em̃èṉo.

N’aṽèti Adam ina ny’ômwantô wè inè: Eva, konde ayè ne ngwè y’aṉaga waôdu.