Popular Bible Verses from लूकाल 7

Deildu

अदुनहाटीं नना नीकु वेहानद बतल इत्‍ते, दाना अन्‍नि पापाल्क मापि आतां इंचि अद वेल्‍लेन पावरम कीता, गानि बोनद इच्‍चुने पापम मापि आता, ओर इच्‍चुने पावरम कींतोर.” पजा येसु, “नीवा पापाल्क मापि आतां,” इंचि आ मुरतटुन इत्‍तोर.

पजा, “निमे नावापोर्रो विस्वासम कीताहाटीं पेन नीकु मुक्‍ति हीता, निमे सांतिते होन,” इंचि येसु आ मुरतटुन इत्‍तोर.

वासि येसुना पज्जो नित्‍तिसि अळसेके दाना कळ्‍कुनाल पोंगाना एरतोनि येसुना काल्‍कुन नहालय दल्‍गता. पजा दाना केल्कुनतोनि उसुमसेके, ओना काल्‍कुन बुर्सेके अत्‍तर निय होकुंदु.

अचोने आयका नना नीकु कलियाना लायकगुडा हिल्‍लेन. अदुनहाटीं निमे सिराप उंदि पोल्‍ले इन, नावा जीतागाड बेस आंतोर. बारित्‍ते, ननागुडा वरोर अदिकारिना कय्‍दा हिळु कबळ कींतन. नावा कय्‍दा हिळुगुडा सिपाइल्क मंतुर. नना बोनना वरोन ‘होन’ इत्‍ते ओर दांतोर, इंकावरोन ‘वा’ इत्‍ते ओर वांतोर. इंका नावा दासुन, ‘इद कीम’ इत्‍ते ओर कींतोर.” इद केंजसि येसुंक वेल्‍ले इचंत्रम आता. अस्‍के पजोळ्क तिरियसि, ओना पज्जो वासेक मत्‍ता मंदितुन इल्‍हा इत्‍तोर, “नना वेहानद केंजट, इस्राएल लोकुल्‍कुन लोप्‍पोगुडा इच्‍चोन विस्वासम मत्‍ता मनकल नाकु बग्‍गेन दोर्का हिल्‍लोर.”

अस्‍केने येसु, बिमार मत्‍तोर्कुन, नोप्पिनोर्कुन, देय्याल्क पीसि मत्‍तोर्कुन इल्‍हा वेल्‍लेटोर्कुन बेस कीतोर, वेल्‍लेटुर गुड्‍डोर्कुना कळकु दिस्‍सानाल कीतोर. पजा ओर्कु इल्‍हा जवाब हीतोर. “इंदके मिमेट बतल अय्ते हूळतिर, केंजतिर अद होंचि योहानुंक वेहट. गुड्‍डोर्क हूळसंतुर, कुंटोर्क ताकसंतुर, कुस्‍टरोगम आतोर बेस आसंतुर, सेव्टोर्क केंजसंतुर, हातोर्कुंक जीवां अरसंतां आनि गरिबोर्कुंक बारे बेसता कबुर एवसंता.