Popular Bible Verses from योहान 3

Deildu

पेन दुनियातोर्कुन इच्‍चोन पावरम कीता गदा, दाना वरोरे मर्रिनगुडा ई दुनियातोराहाटीं हीता. ओन नम्मना हरेक मनकल नासडेम आयामन्‍नि गानि ओन्क बस्‍केळ्‍क पिस्सना पिस्वर दोर्कना इंचि अद अल्हा कीता.

पेन ई दुनियातोर्क सिक्‍सा हिया वेहालय, दाना मर्रिन ई बूमिपोर्रो लोहा हिल्‍ले, गानि दुनियातोर्कुन पिसागोटालय ओन लोहचीता.

अस्‍के येसु ओन, “नना निजम-निजम वेहासेक, बोरे आयिर, पूना रीतुने मर्रा पुट्‍टुवा, ओर पेनदा राज्येमतुन हूळा परोर,” इंचि वेहतोर.

ओन बोर अय्ते नम्मंतुरो, ओर्क ओर सिक्‍सा हिया वेहोर. गानि बोर अय्ते ओन नम्मुरो, पेनदा वरोरे मर्रिनपोर्रो विस्वासम कियवाहेंका ओर्क पेन मुन्‍नेन सिक्‍सा हीसि इरता.

पेन मुन्‍नेन बारि सिक्‍सा हीसि इरता इत्‍ते, पेनदाहेंदाल उंदि वेलगु दुनियाते वाता. गानि दुनियातोर ओरा तप्‍पुड कबाह्कुनहेंका वेलगुने पिसनद होळसि हीकटते पिसमळतुने मेच्‍कुत्‍तुर.

इंदके ओना कदर वेल्‍लेन बेर्सगोम, नावा कदर वेल्‍लेन तक्‍को आयगोम अचोने!” इंचि योहान वेहतोर.

तप्‍पुड हरदे ताकाना बोरे मनकल आयि, ओर वेलगुन मेच्‍कुन्‍नोर. ओना तप्‍पुड कबाह्‍क बय्यर दिस अर्रंतां इंचि ओर वेलगुने वायोर.

पेनदा मर्रिन बोर अय्ते नम्मंतुरो, ओर्क बस्‍केळ्‍क पिस्सना पिस्वर दोर्कंता. गानि बोर अय्ते मर्रिना पोल्‍ले केंजुरो, ओर्क बस्‍केळ्‍क पिस्सना पिस्वर अय्ते दोर्केन दोर्को, गानि ओनपोर्रो पेन होंग पीसि मनंता.

नाकुन बोर अय्ते विस्वासम कींतोर, ओन्क बस्‍केळ्‍क पिस्सना पिस्वर दोर्कगोम इत्‍ते, मूसाल बल्हा बय्‍लि बूमिते इत्‍तोळता तरासुन कोय्यापोर्रो वेलाड वाटसि मत्‍तोर, अल्‍हेने मनकना रूपमते पुटतोन नाकुनगुडा वेलाड वाटमळ जर्गागोम,” इंचि येसु इत्‍तोर.

पेन बाबल ओना मर्रिन इरगा पावरम कींतोर, इंचि मर्रिना कय्‍दुक अन्‍नि अप्पजेपतोर.