Popular Bible Verses from Luke 8

Deildu

Neħ gwaa' ne' yo̱ˑă̱ˑjiˑyòs'gĕh, ne'huh naeh, oħˑwaˑdyeˑăħˑdʋk heˑnitˑga'iˑwaˑyeeˑiħ', kuh heˑniˑoˑnă̱nˑnyah'siˑyòòh, noˑnă̱h' naeh waˑă̱'no̱'o̱k, waa'dihˑsaˑno̱o̱ˑniħ, oħˑwaˑdo̱o̱ˑniħ' kuh, daˑwĕn'nă̱ħˑni'go̱ˑiis.

Neħ' kuh noˑiħk'daˑgo̱o̱h' oħˑga'geˑo̱nˑdaħt', neˑhuh' naeh, noˑnă̱h' hoˑno̱'o̱ˑgă̱h, waˑă̱'no̱hˑdă̱nˑdiħ, neħ naeh oħˑto'dihˑsi'ăăhˑdă̱ħ noˑno̱ˑdii'waˑdeeˑnyo̱ħ, neħ kuh ne' watˑgaˑno̱ˑnis'hăħ, kuh' heˑniˑyaˑwĕnˑdet'găă''desˑyòħ'dă̱ă̱h he'dyo̱hˑheħ, tă̱ħˑă̱h' deħˑaaˑo̱h' aˑwaˑda'wisˑaaħ', naeh, neˑneħ noˑno̱h'gwă̱ˑo̱ħ.

Neħ' naeh nosˑdă̱ă̱ħ'gĕh oˑge'o̱nˑdaħˑo̱h, neˑhuh' naeh noˑnă̱h' waˑă̱'no̱ˑo̱o̱k' waˑo'no̱ħˑeesˑhaħ' gă̱ă̱s, waˑdiˑyeeˑno̱o̱ħ', kuh noˑwă̱ă̱ˑno̱ħ; da neħ' nă̱ˑgă̱ă̱ tă̱ħ'ă̱h deħˑok'deˑo̱nt, waħˑe'iˑwaˑgwĕnˑniˑyòs' naˑeh gă̱ă̱s' daħˑji'ah, gaˑnyòòħ gwaa', gă̱ă̱s, oħˑgaaˑyo̱ħ' ne goħˑni'gooˑdaˑgwʋs', saˑdiˑyaħ'dyeeˑnă̱ħt.

Oˑnă̱h' haˑgo̱ˑyă̱ˑo̱hˑseeh, Gaˑă̱ˑo̱ˑweeh' niˑgaaˑyă̱ħ ne swaˑi'waˑgwĕnˑniˑyòs'do̱sˑhăăħ? Neħ ne waˑo'no̱hˑdyo̱ħk, waˑoˑdii'waˑnăă'gòħ' kuh, deˑoˑno̱nˑdaˑdă̱ˑo̱h'seeh, Aˑno̱o̱ no̱'o̱ˑgweħˑdoħ'dă̱ħ nă̱ˑgă̱ă̱h! neħ să̱ħ'ă̱h' waeh ne wa'iˑwĭs'as ne găăˑhaħ' kuh no'neˑgaˑnòs', neħ ne waˑot'ho̱nˑdaat.

Neħ' noˑa'aħˑges'ho̱ħ oħˑga'geˑo̱nˑdaħt, neh'huh ne waˑă̱'no̱ˑo̱o̱k; oˑnă̱h gă̱ă̱s' neħˑhuh' wa'aˑyo̱ħ' naˑnĭs'heˑoˑno̱ħ, waa'disˑgwat noˑwă̱ă̱ˑno̱ħ noˑnă̱n'nyahˑsaaˑgo̱o̱h' heˑyaˑo̱nˑdah'heħˑo̱'no̱h, neħ' ne dyă̱ă̱ˑgwah' sho̱ ă̱ˑa̱nˑdii'waˑgwĕnˑniˑyòs', ă̱sˑhoˑdiˑyaħ'daˑgòħ' kuh.

Neħ să̱ħˑă̱h noˑgweeˑgo̱h' nă̱ˑyò'dahˑseh'do̱ˑo̱o̱k, gwaħ' tă̱ˑgaˑiˑwa'aħt haħˑgwĭs'dă̱ħ giħˑshă̱h ă̱ˑwa̱h'sehˑdo̱ˑo̱o̱k tgaˑgo̱nt' sho̱ waħˑoˑyă̱nˑdeetˑheħt, dă̱ˑwa̱n'diˑoˑgòħ' kuh.

Neħ' dih noˑnă̱h' waħˑe'gaħˑă̱ă̱ˑyo̱o̱ħ' ne yaˑgo̱o̱ˑgweh', he tă̱ħˑă̱h' naeh' deħˑaˑgoˑdyaħ'dahˑseh'do̱h, goˑyaħ'do̱nˑdaħ'daaˑneħ' dyaˑgoh'dă̱nˑdyo̱s'o̱h, neħˑkuh waħˑe'yaħˑdyeeˑnă̱ħt' he'aaˑgat, waˑo̱ˑwa̱'iˑwaˑgwa'ihˑsaħs, kuh nee' gaˑgweˑgo̱h no̱o̱ˑgweh', ne' naħˑot' gaˑi'o̱ˑnih hoħ''to̱ˑwa̱ˑyă̱ˑo̱ˑnyo̱o̱ħ, kuh he'niˑyòs'noˑweħ' sa'yo̱nˑdo̱ħ. Neħ ne' shaˑgaˑwă̱ˑo̱h'seeh, Go̱'o̱ˑwa̱k, sgă̱ˑno̱ħ' să̱ˑno̱h'do̱ˑnyo̱'o̱o̱k; neħ' seˑsaaˑjă̱ħt' ne saˑi'waˑgwĕnˑniˑyòs'do̱sˑhăħ; gaˑi'wiˑyòs'hăˑgo̱o̱h' sah'dă̱nˑdih.

Oˑnă̱h' neħˑhuh' nitˑhoˑneeˑno̱o̱h' haˑyaħ'daˑdeħ' wa'o̱ˑwa̱ˑyet' kuh, hoˑnă̱ă̱h', Saˑdi'o̱ˑnyaˑnih, Saˑdi'o̱ˑnyaˑnih, eˑdwaˑiˑwah'do̱ħ. Detˑho'daħˑo̱h oˑnă̱h', waa'isˑdă̱ħ' heˑgăăˑhaħ, kuh' heˑniˑyò'desˑhaa'nihˑdo̱h' he'gaˑnyòˑdaˑeħ; da neħ' noħˑgyă̱'nihˑhă̱ă̱ħ, neħ kuh ne' taħˑwaaˑdyeeħ' sho̱.