Popular Bible Verses from Luke 10

Deildu

Jatˑgaˑă̱ˑo̱h, neħ nòħˑgwaħ'hasˑdeesˑyo̱ħ ne dă̱ˑswă̱ă̱sˑgă̱ħ'syo̱k nòsˑha'isˑdaħ'sho̱ħˑo̱h kuh nochˑhiħ'ehˑdaatˑgo̱ħ, neħ kuh neh' heħtˑgă̱h' ă̱ˑsheˑswatˑhăh'go̱ˑo̱o̱k heˑniˑaħ'hasˑdeeˑshăħ neˑsheˑswaħ'niˑgo̱ˑă̱ˑswa'ă̱s naˑnĭs'heˑoˑno̱ħ; neħ kuh neħ deħˑtaħˑgwĭsˑdă̱ħ to̱nˑdaˑgaˑye'ăħˑdʋk haħˑgwĭs'dă̱ħ a'eˑswaˑyă̱ˑă̱s.

Neħ ne' detˑhos'nyeħˑo̱h neˑJeˑsus, shaˑga'wă̱ˑo̱h'seeh, Martha, Martha, neħ ne saˑde'yă̱ˑo̱o̱sˑdo̱h weeˑsòħ' kuh oˑi'waˑgeeh, ne deˑsa'deˑyă̱ħ'hihˑdaˑnih, Neħ gwaa', ne joˑi'waat deˑyoˑdo̱ˑă̱n'joˑo̱h; neħ' naeh ne Mary goˑdaˑdăˑgwah'seeh, ne' wiˑyòòˑne'gwa, neħ kuh ne tă̱ħˑă̱h' naeh' to̱o̱ˑsaˑyo̱nˑdaˑdeh'gwah.

Neħ ne' detˑhos'nyeħˑo̱h, haˑwă̱ă̱', Neħ nă̱ˑes'noˑo̱hˑgwaak Naˑyaħ'daˑgwĕnˑniˑyòħ', Hya'wĕnˑniˑyòħ, ă̱hˑsye'ăħˑdʋk nee să̱'nyahˑsaˑgweeˑgo̱h, kuh nee sat'hwaˑis''hăˑgweeˑgo̱h, kuh nee seħ''hasˑdes'hăˑgweeˑgo̱h, kuh nee sni''go̱ˑă̱ˑgweeˑgo̱h; neħ kuh' neħˑhuh' nă̱ˑes'noˑo̱hˑgwaak ne deˑjă̱'no̱hˑsaˑneeˑgă̱ă̱h' niis he'nihˑsa'dahˑno'o̱hˑgwaħ.

Neħ' dih naaˑgo̱ˑyă̱'o̱hˑseeh, Gaˑi'waˑgwĕnˑniˑyòħ' goˑwaaˑnă̱h' hă̱ˑga'yă̱ntˑhwa'gwă̱ˑa̱a̱k, neħ gwaa' ne' dòhˑgaaħˑah' naˑdi'yă̱ntˑhwaaˑgwʋs; neħ dih gaˑi'o̱ˑnih sheˑswa'do̱ˑeˑsyo̱hˑgwă̱h' Naˑyaħ'daˑgwĕnˑniˑyòħ' hă̱ˑga'yă̱ntˑhwa'gwă̱ˑa̱a̱k, neħ' na'aˑgo̱h'ho̱ħˑsyo̱o̱ħ nă̱ă̱'no̱nˑdyòòħ'daas a'aˑdi'yă̱ntˑhwaˑgòħ ho'yă̱nˑtho̱h.

Gaˑă̱ˑniˑgaah' nă̱ˑgă̱ă̱ neh, să̱h' niˑă̱ˑno̱nˑdiih', heh să̱ˑno̱h'do̱ˑnyo̱h', deˑyă̱n'no̱hˑsaˑneeˑgă̱ă̱h', nă̱ˑgă̱ă̱ neˑgă̱ħ ne' neħˑhuh waa'yaħˑdyeˑnă̱ħt' haaˑdi'yaħˑdaaˑdeħ ne shaˑgo'no̱hˑsetˑhaaħ? Neħ ne ha'wă̱ă̱', Neħ kuh' naeh ne' wa'ooˑdă̱ă̱ħ. Oˑnă̱h' haˑwă̱'o̱hˑseeh ne Jeˑsus, Sah'dă̱nˑdih, neħˑhuh'nă̱ă̱ħ' iis no̱ħˑjeeh'.

Swah'dă̱nˑdyo̱ˑgòh; jatˑga'ă̱ˑo̱h, neħ shaħˑgaat' ne deˑyòˑdiˑno̱ħ'gă̱ˑo̱nt oˑdit'hwʋsˑho̱ħˑo̱h haħˑdaˑwă̱ˑno̱nˑdyes' ne taa'yo̱ˑnih heh, oħˑgwaˑhaħt.