Popular Bible Verses from John 5

Deildu

Doˑgă̱s', doˑgă̱s', oħˑgwă̱'o̱s, Neħ' haaˑyaħ'daˑdeħ nă̱ˑa̱a̱ˑgòħ' heˑniˑgwă̱'nòħˑdă̱ă̱h, neħ' kuh nă̱ˑò'iˑwaˑgwĕnˑniˑyòs' ne taˑgeh'haħˑo̱h, waˑoˑyă̱nˑdaħt' ne' waħˑo'iˑwaˑdaˑdyeħ' yo̱ˑheħ'o̱ˑweh, tă̱ħˑă̱h neħˑhuh to̱o̱'daˑaˑyo̱h' heˑniˑgaˑyă̱ħ' ne goˑiˑwaˑă̱ħ'hehˑdaaˑnih; neħ gwaa' neh hoˑăh'do̱h ne gă̱ˑe'yaħtˑgĕh neħˑhuh' hesˑhoˑyo̱o̱ heˑniˑgaaˑyă̱ħ' ne yo̱hˑheħ'o̱ˑweh.

Neħ noˑnă̱h ne Jeˑsus waˑoˑgă̱ħ haˑyas'hă̱h, neħ kuh noˑno̱h'do̱ħ heh' oˑnă̱h' no̱o̱ o'nă̱hˑjih neħˑhuh' chiˑo'yaħˑdaaˑwă̱s, haˑwă̱ˑo̱hˑseeh, Deˑsa'do̱ˑă̱ˑjoˑnih gă̱h' no̱o̱'sahˑsaaˑdo̱ħ?

Neħ swihˑsaas noˑya'do̱sˑhăˑdoˑgă̱h'diħ; neħ să̱ħ'ă̱h ne' neħˑhuh niˑswă̱'no̱hˑdo̱ˑnyo̱ħˑsyòħ'dă̱ă̱h, niˑswee neħ' gaˑaaħ', nă̱ă̱ˑyò'iˑwaˑdaˑdyeħ' ă̱'jo̱ˑheek; da neħ', ne'huh ne'neħ ne gaˑi'waˑgwa'ihˑso̱s he'gyaħˑdaaˑdeħ. Neħ kuh ne deħ'swaˑgaˑyă̱s' neħˑhuh a'eˑswaˑyo̱ħ' he'gyaħˑdaaˑdeħ, a'eˑswaˑyă̱nˑdaħt' iˑgă̱ă̱, ne' yo̱hˑheħˑo̱ˑweh.

Neħ ne Jeˑsus' waa'wă̱ˑo̱s, Desˑdaħt', deeˑsek' ne saˑno̱ħ'sgwaħ, sahˑdă̱nˑdih' kuh. Neħ ne waħˑoˑgo̱nˑdaaˑdyeħ' sho'do̱ħ'o̱h, deˑòh'gwă̱h kuh noˑno̱ħ'sgwaħ, hohˑdă̱nˑdyo̱sˑo̱h; da neħ' neˑneħ shaħˑwă̱'nĭsˑhăăt a'wă̱ˑdaˑdo'gă̱hˑdo̱'no̱ħ.

Oˑnă̱h ne Jeˑsus dechˑhaˑgoˑwă̱'no̱ħˑsăăˑgwă̱h' haˑgo̱ˑyă̱ˑo̱h'seeh, Doˑgă̱s', doˑgă̱s', neħ noħˑgwă̱'o̱s', Neħ No'aaˑwak' tă̱ħˑă̱h' deˑoˑgweˑnyo̱o̱' haħˑgwĭs'dă̱ħ ne' aˑo̱hˑhwa̱ħ; neħ gwa', naatˑgaaˑtwʋs' heˑniˑoˑyeˑa̱nˑdyeħ Nooħ'nih; neħ să̱ħˑă̱h naˑgwa'naħˑòt no̱ħˑoˑiˑoħ'dă̱ħ nă̱ˑa̱a̱nˑdyeeħ', neħ sho̱ shaħˑgaasˑho̱ħ ha'eħˑgwah neħˑhuh' nă̱ˑa̱a̱ˑyeeh' No'aaˑwak.