Popular Bible Verses from John 1

Deildu

Neħ gwaa' heˑniˑyöö ne' waˑöˑwa̱ˑyaħ'dahˑsä̱ˑnööˑniħ, haˑgöħ'hasˑdes'häˑwii ne'neħ ä̱sˑhok'saħˑdaħ'shöħˑgä̱'a̱a̱k Naˑwënˑniˑyòħ, haˑeħˑgwah' kuh haaˑdi'yaħˑdaaˑdeħ nä̱ˑa̱nˑdi'waˑgwënˑniˑyòs' heˑniˑoh'sä̱ˑnoħ'dä̱ä̱

Neħ ne chiˑöˑheħ shö Noˑwä̱ä̱ˑnöħ ne shönˑda'wahˑsaaˑwä̱ħ; neħ kuh ne deˑya'diˑnöħ' Naˑwënˑniˑyòħ Noˑwä̱ä̱ˑnöħ; neħ gwaħˑhuh Noˑwä̱ä̱ˑnöħ neħ ne'huh Naˑwënˑniˑyòħ.

Neħ ne deˑyòhˑhatˑheh ohˑsön'daˑgööh dyòtˑgönt' heˑyoˑdä̱'ä̱hˑgoot, neħ gwaa' ne deˑyò'dahˑsönˑdaˑiˑgöh tä̱ħˑä̱h deħˑoˑyeˑnöös'ööh ne deˑyòh'hatˑheh.

Da neħ nöˑgweh oħˑwa'aħ oˑdöħ'öh Noˑwä̱ä̱ˑna̱ħ, shaħˑgaat' kuh deˑdwa'diˑnöħ höˑgwas'gwaˑdeˑnyöħ; neħ kuh ne deˑdwa'gaˑneeħ heˑna̱ħˑdeˑga'ä̱hˑsä̱'ösˑyòħˑdä̱ä̱h' no'oˑwä̱h ne neħ' shö sgat hoˑwi'yäˑyä̱ħ Nooħ'nih, ga'nööˑhöh' naˑda'niˑdä̱'ösˑhäħ kuh ne gai'waˑgwënˑni'yòħ.

Heˑyò'iˑwaˑgweˑgöh' haˑöˑhwa̱ħ' hoˑdyä̱ˑnoħk'daħˑöh; neħ kuh na'gä̱ä̱ˑnöħ' neħˑhuh' deˑo'yeˑä̱h', deħˑtaħ'gwĭsˑdä̱ħ deħˑo'desˑyöˑniih', heˑniˑyöö ne' gasˑyöˑnii. Neħˑhuh' kuh haaˑyaħˑdaˑdeħ iˑwaat' ne' yöhˑheħ; neħ' kuh ne' yöhˑheħ deˑoˑdihˑhat'hesˑdah'göh nöö'gweh.

Neħ nöˑsa'yòhˑhä̱ħt', waˑoˑgä̱ħ' ne Jeˑsus ne John, neħˑhuh' nönˑdaaˑwe'nöˑönˑdyeħ' haaˑyaħ'daˑdeħ, neħ ne'aaˑwä̱ä̱, Jat'gaaˑtòh' notˑhwas'aah ne deˑyoˑdiˑnöħ'gä̱ˑönt, neħ hoˑyaħ'daˑwä̱h Naˑwënˑniˑyòħ, neh göˑwa̱'dwä̱ˑdeh'döh neħ ä̱ˑönt'heˑnö'gehˑdaat neh oˑi'waˑneħ'akˑshäħ he'yöˑä̱nˑjaˑdeħ.

Neħ yöˑä̱n'jaħˑgëh heħ'sgwaħ; neħ kuh hoˑdyä̱ˑnoħk'daħˑöh he'yöˑä̱nˑjaˑdeħ; daˑneħ' ne tä̱ħ'ä̱h deˑöˑwa̱ˑyä̱nˑdeeħˑööħ ne yöˑä̱nˑjaˑdeħ ha'diˑnöˑgeħ. Neħˑhuh' kuh hoˑyös'öh heˑniˑgaaˑyä̱ħ' no'oˑwä̱h, neħ' dih ne tä̱ħˑä̱h deˑö'wa̱ˑyaħˑdah'sä̱ˑnööˑniiħ' no'oˑwä̱h, haˑöˑhwa̱ħ' haˑö'gweħˑdaħ.

Neħ naeh doˑgä̱s' ne'neħ, ne Deˑyòh'hatˑheh, neħ deˑya'gòhˑhat'heħˑdah'gwaˑnih gaˑgweˑgöh nöˑgweh' ne daˑyaˑgoˑyö'önˑdyeħ he'yöˑä̱nˑjaˑdeħ.

Neħ sä̱ħˑä̱h naeh ne Moses hotˑgaħ'wä̱h ne gaˑya'nesˑhäħ, neħ gwaa' naˑdaˑniˑdä̱'osˑhäħ, kuh ne gaˑi'waˑgwënˑniˑyòħ', neħˑhuh naeh niˑdya'weeˑnöö' haaˑyaħ'daˑdeħ' ne Jeˑsus Christ.