Popular Bible Verses from Matayo 21

Deildu

Ngana mukumufuuwa uNguluvi, luluvedzaga lwe mwinyilika mu ndapangilo, muhadza mwikwanukila.”

UYesu akuvahigaga iitigilaga, “Ndakyene ndikuvalongela ndiitigila, ngana muli nu lufuuwo kitiiganiya, muhadza mwilima idzo ídzilimiike ku mudzombe ugo nu kulutila ku idzo. Nde luvedze mukukilongela ikidunda iki ukutigila, ‘Wiipuke ukiitoodze mu nyandza,’ nadzo dzihadza dziilimika.

Avaanu avaalonguwe kuwutalo na avaadzaga mumbele kwa Yesu, viiyooyaga viitigilaga, “Hosyana, uMuswamuve va Dawudi! Áfuunyiliilwe ye iikwadzila mu litaawa lya Mutwa Nguluvi! Hosyana, uNguluvi ye ali kukyanya!”

UYesu akuvalongelaga iitigilaga, “Lúsimbiilwe mu Wusimbe uWiimike ukutigila, ‘Inyumba yangu yiitambulwaga nyumba ya ndapangilo.’ Neke kangi unyeenye múyihambwise ‘manga ya vagonadaasi.’ ”

“Uvalongelage avaanu va mu wudzenge wa Sayuni ukutigila, ‘Lolage, uMutwa veenyo iikwadza ukwenyo, muleele, iikwadza áhovile imbunda. Kangi imbunda iyo, ndzana hela.’ ”

Neke uYesu avalongelage kangi atigilage, “Musinaa mwimba idzaasimbiilwe mu Wusimbe uWiimike? Dzaasimbiilwe ukutigila, ‘Iliganga lye vaakaanile avanya kudzenga, lino lívedzile liganga likomi ilya pa wiidamiko wa nyumba yonda. UMutwa Nguluvi ye mwene ye álimile ulu, nalo ludzumo pa miiho geesu.’

“Wiimila wa ulo, ndikuvalongela ndiitigila, uNguluvi ahadza iihedza uwutwa waakwe ukwenyo nu kuvapeela avaanu va nyi idzingi, avahadza viilima imikeelelele gyakwe.