Popular Bible Verses from Matayo 19

Deildu

UYesu akuvalolaga, iitigilaga, “Ku vaanu ulo lukuvalema, nda haamu, kwa Nguluvi amadzwi gonda gasikumulema.”

Lwe lwene navo vasiivedza vavili kangi, viivedza muvili gumwinga. Lino kye ákamiingʼiise uNguluvi, umuunu atanage ukulekasa.”

UYesu akuvahigaga iitigilaga, “Mwave musinaa mwimba mu Wusimbe uWiimike ukutigila, ukuhuma pa wutalilo wa wugavi ‘uNguluvi avagavile umugoosi nu mudala’? UNguluvi iitigila, ‘Wiimila wa ulo, umugoosi ahadza akumuleka udaadiye nu ngʼina, neke akamiingʼane nu mudala vaakwe, avavili avo viivedza muvili gumwinga.’

Neke kangi uYesu avalongelage atigilage, “Muvaleke avaana avadebe vaadze ukwangu, mutane ukuvakaanidza, pakuva uwutwa wa kukyanya wa vaanu ngita avaana ava.”

Avaanu voloofu avakwiwona ukutigila viivagila lino, valaavedza avasiivagila mu musika ugwikwadza. Kangi avakwiwona ukutigila vasiivagila lino, valaavedza aviivagila mu musika ugwikwadza.

Neke umuunu ye avedzaga ye álekile ikaaya, enewuli avamaamiye, enewuli avanungʼuve, enewuli udaadiye, enewuli ungʼina, enewuli avaana vaakwe, enewuli migunda wiimila wa neene, alaanukila fyoloofu hiilo ukulutila fye áfilekile. Kangi alaanukila uwuumi uwa mbeepali.

UYesu akumulongelaga iitigilaga, “Ngana wiisaka ukuvedza mukwilifu, uhelelage ukagudze ifiinu fyonda fye uli nafyo, na magoobeli ge wiikwanukila ukavagavilage avahangala, apo wiivedza nu wumosi kukyanya. Neke waadze, uuniniilage.”

UYesu akumuhigaga iitigilaga, “Kye kiki ukuumbuudza ulukaani ulwa wunofu? UNguluvi mwene ye munofu! Neke kangi, ngana wiisaka ukwingila ku wuumi uwa mbeepali, wiidikage indagi dza Nguluvi.”

Ndikuvalongela kangi ukutigila, lupeefu hiilo ingamila ukuhumiingʼasa pa kalyango ka singano, sindawuli umumosi ukwingila ku wutwa wa Nguluvi.”

Ndikuvalongela ukutigila, ye avedzaga ye akumugotola umudala vaakwe, pe asimwibiite mu wudumuli-noolane, neke amutoole mudala uyungi, iidumula uwutoolane. Kangi ye avedzaga ye akumutoola umudala umugotole, umugoosi uyo nave iivedza mudumuli-noolane.”

Neke uYesu avalongelage avanyigendwa vaakwe atigilage, “Ndakyene ndikuvalongela ndiitigila, lutalamu hiilo kwa mumosi ukwingila ku wutwa wa kukyanya.