Popular Bible Verses from Enk 17

Deildu

Ore pee eaku Abram oloo larin intomoni naaudo o naaudo neipang'aki ninye Olaitoriani nejoki, “Ara nanu Enkai magilani, shomo te dukuya nanu miata entioto

Mikintokini aajo enkarna Abram, kake keaku aikiji enkarna ino Abraham amu aaitaa iyie menye loo lororani too loshon.

Naa kaitasheyie nanu osotua lai te rishata ai o iyie o eishoi ino indipa iyie atulusoi tiatua iishoritin enye olning'o lo sotua lai loo ntarasi. Naa kaaku Enkai te iyie o tenebo eishoi ino nikisuju.

“Ing'ura etii osotua lai tenebo iyie, naa iyaku menye loo loshon kumok.

Nejo Enkai, “A'a, esipa eikiiki enkitok ino Sara enkayioni, naa impot enkarna enye ajo Isaak, naa kaitasheyie osotua lai o ninye, metaa osotua loo ntarasi o too iishoritin naapuonu te siadi ninye.

Naa kaaisho iyie tenebo eishoi ino nikisuju enkop nitaayie omon, enkop pooki e Kanaan metaa enino oo ntarasi naa kaaku Enkai enye.”

Nebatata Abraham te nkomom enye nekueni eirorie kewan ejo; “Keikini enkerai olpayian kitok oitabayie ilarin iip nabo? Keidim Sara naitabayie ilarin ntomoni naudo atoiu enkerai?”

Nejoki Enkai Abraham, “Ore Sarai enkitok ino, mintoki aipot ninye ajo Sarai, kake keaku keji enkarna enye Sara.

Kemurati intae isuaten oo seseni linyi, naa keaku ina olmonekie lo sotua te rishata ai o ntae.

Kake kaitasheyie nanu osotua lai te Isaak, aikiiki Sara iyie tena rishata, telde ari olotu.”

Ore pooki ng'ae oitabayie inkolong'i isiet naa kemurati, pooki lee tiatua iishoritin pooki, oloba anaa olotoiwuoki te nkaji ino, anaa oloinyanguaki too mpisai inono te pooki omoni leme oinoti linyi. Ore ilo oino te nkaji ino oilo oinyanguno too mpesai, nemurati pokira. Metaa etii osotua lai atua iseseni linyi anaa osotua loo ntarasi