Popular Bible Verses from পত্থম 32

Deildu

মানুচ্চো কলঅ, “তুই গোজেন আর মান্‌জ্য লগে যুদ্ধো গুরিনে জিত্যস্ বিলিনে তঅ নাঙান আর্ যাকোব ন-থেবঅ, তঅ নাঙান অবঅ ইস্রায়েল (যিয়েনর্ ভেদ্‌তান্ ‘যিবে গোজেন লগে যুদ্ধো গরে’)।”

সেক্কে সে মানুচ্চো কলঅ, “বেন্যে পহ্‌র ওই এজের্, এবেরা মরে ইরি দুয়ো।” যাকোবে কলঅ, “মরে বর্ ন-দেনা সং মুই তরে ন-ছাড়িম।”

সেক্কে যাকোবে গায়্‌ গায়্‌ থেই গেলঅ। সেক্কে এক্কো মানুচ্ এইনে বেন্যে পহ্‌র ন-অনা সং তা লগে আঢ্‌তোই যুদ্ধো গুরিলো।

সেক্কে যাকোবে সে জাগান নাঙান রাগেল পনূয়েল (যিয়েনর্ ভেদ্‌তান্ “গোজেন মু”)। তে কলঅ, “মুই গোজেনরে মুজুঙো-মুজুঙি দেগিনেয়ো বাঁজি আগং।”

সে মানুচ্চো যেক্কে দেগিলো, তে যাকোবরে ওদেই দি ন-পারের্‌ সেক্কে আঢ্‌তোই যুদ্ধো গুরিবার অক্তত্ তে যাকোব রান জোড়াত্‌ আঘাত্ গুরি দিলো। সেক্কে তা রান আড়্‌বো অধ জাগাত্তুন্‌ লুরিলো।

মানুচ্চো কলঅ, “তঅ নাঙান্‌ কি?” তে কলঅ, “মঅ নাঙান্‌ যাকোব।”

যাকোবে তারে কলঅ, “কোজোলী গরং, তুই কঅ তঅ নাঙান্‌ কি?” তে কলঅ, “তুই মঅ নাঙান্‌ কিত্তে পুযোর্‌ গরর্‌?” এ কধাগান কোইনে তে যাকোবরে বর্ দিলো।

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

ইয়েনত্তে ইস্রায়েলীগুনে এজঅ রান জোড়া উগুরে য়েরাগান্‌ ন-হান্‌, কিত্তে রান জোড়া উগুরে যাকোবরে আঘাত গরা ওইয়্যে।

যাকোবে গোজেন ইধু ইয়েন কোইনে তবনা গুরিলো, ও লগেপ্রভু, মর্‌ আগ মানুচ্ অব্রাহামর গোজেন, মর্‌ বাপ্পো ইস্‌হাকর্‌ গোজেন, তুয়ই দঅ মরে কোইয়োচ্‌ মঅ দেজত্‌, মর্‌ নিজো মানুচ্চুনো ইধু ফিরি যেবাত্তে, আর সিধু তুই মরে ভালেদ্ গুরিবে।

মুই কোজোলী গরং, মর্‌ ভেই এষৌ আদত্তুন্‌ তুই মরে রোক্ষ্যে গর। মর্‌ দর্‌ লাগেত্তে তে এইনে আমারে মারে ফেলেব, মা-চিগোন্‌ গুরঅ কাররে বাদ্‌ ন-দিবো।