Popular Bible Verses from পত্থম 27

Deildu

গোজেনে যেন তরে আগাজ শিরোপানি দে, আর তঅ ভুইয়ানিত্‌ বোল্‌বোল্যে ওক্‌; সেক্কে তুই বোউত্‌ ফসল আর্‌ নুয়ো আংগুর-রস পেবে। নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

এষৌ কলঅ, “তার এ যাকোব নাঙান্‌ দেনা ঠিগ্ ওইয়্যে, কিত্তে ইয়েন্‌ সহ দ্বিপল্লা তে মরে মঅ জাগানত্তুন্‌ সোরেই দিলো। দাঙর্‌ পুয়োবো ইজেবে মর্‌ যিয়েন্‌ অধিকার তে আগে আগে নেযেয়েগোই আর এবারত্‌ মর্ বর্ পেবার ভাগকানঅ নেযেল।” এষৌ আরঅ কলঅ, “মত্তে কি কনঅ বর্ দিবাত্যে ন-রাগাচ্‌?”

সেক্কে তা বাবে কলঅ, “যে ভুইয়ানত্‌ তুই বজত্তি গুরিবে সে ভুইয়ান্‌ বোল্‌বোল্যে ন-অবঅ; সিয়েনত্‌ আগাজ শিরো পানিয়ো ন-পড়িবো। তলোয়ারানই অবঅ তর্‌ জীংকানিকান, তুই তঅ ভেইয়ুনোর চাগর্‌ ওইনে থেবে। মাত্তর্‌ যেক্কে তুই অধৈর্য্য ওইনে উদিবে সেক্কে তুই তঅ কানাত্তুন্ তার্‌ জুঙোলান ঠিলিনে ফেলেই দিবে।”

সেক্কে এষৌ তা বাবরে কোজোলী গুরিনে কলঅ, “বাবা, তইধু কি বানা সে এক্কান বর্ দিবার এলঅ? বাবা, তুই, মরেয়ো বর্ দে।” ইয়েন্‌ কোইনে এষৌ গুজুরি গুজুরি কানা ধুরিলো।