Popular Bible Verses from JOŊ 15

Deildu

Nji n ci un bëbiiñu, a nda ci ina. Na mobi tsi pëci tsi nji, a n mob tsi pëci tsi nul, në tsij mbuk mcumal. Par ucits ba ni nji, nda yëlanats përo ko.

Nda moban tsi pëci tsi nji, nji buts ka mob tsi pëci tsi ind. Bi kana yëlanats bunk pëtsij mbuk bërier kul, uci ka mobats tsi pëci tsi bëko, unk buts di nda rits run ka yëlan, uci nda mobats tsi pëci tsi nji.

Uci nda mob tsi pëci tsi nji, a irim nji mob tsi pëci tsi ind, nda yepan ko wi nda ŋal wi ba këŋal, u rolaa pa ind.

Cits ind ratin bukun; maa man dat ind, a n tsu ind nda tsëp, ndë tsij mbuk, mbuk ind kë cirin. Pa ko wi nda yep wi ba këyep Asin tsi katim nji, në wël ind wul.

Ñaan cits, nan kai bëŋal ban pe bi bi: ñaan pëwël ubiiraul bërierul undo ifetsarul.

Kana kan ci ki-ba këci tsi nji a tsijats mbuk, në fal kul; a kan tsij ki mbuk, në jëntsan kul pa ka pe këpe pëtsij mbuk.

Utsua nji ci wun wi: Nda ŋalëlari, bi n ŋal ind bi.

Uci nda tsij mbuk mcumal, Asin nji arëmbanaa tsi wul, unk, ndë ci bafetsin.

Nji n ci un bëbiiñu bëcär, a Asin nji ci un najaar.

Na mobatsi tsi pëci tsi nji, agutsara utsand pi kana, a na kay; ina ka contsaa, i gutsa di bërua, i yëk.

Man ja ind ko wan, pa ulílan nji pëci di ind, din ulílan ind ka ci un kës wi.

Uci nda mob tsi ngëtsua nji, ndë mob tsi pëci tsi bëŋal nji, bi n mob bi tsi ngëtsua Asin nji, a n mob tsi pëci tsi bëŋalul.

Ko wi, wi ndu n tsu ind wun: Nda ŋalëlari.

Uci nda ro ci biki umundu, umundu ka ro ŋal ko un ci wi wiic wul. Bi nda cits bi biki umundu, maa ndul di n datëni ind run, wul ka wun umundu ñaas ind.