Popular Bible Verses from JOŊ 10

Deildu

Nakiej ka bi pa pëkiej rin, ni pëfiŋ, ni pëcok; maa nji man bi pa bañaan pëka ubiira, ubiira un kës wi.

Nji n ci-un nayafan nawar; nayafan nawar ka wël ubiiraul pa ngënkanel.

Ngënkanel nji ka cikëndën përim nji. Nji, man me ngul, a nga ja nga roon nguu fetsin.

Nji, mán wël ngul ubiira un dits wi ka ba; ngul di ka niaman yaas; nin ñaan di ka waj ngul tsi kañan nji.

Nji n ci-un pëlëman. Uci ñaan niajëna tsi nji, në buer; koo niaj, nuu cili, nuu win tsëko kafeer.

Nji n ci-un nayafan nawar; man me ngënkanel nji, a ngënkanel nji mein

Asin nji na wëlini ngul, ape ngëko bëlieng; nin ñaan cits na yëlani pëwaj ngul tsi kañan Asin nji. Nji ni Asin nji, wund aci baloole.”

bi Asin nji mein bi, a me Asin nji, a ndu n wël ubiira nji pa ngënkanel.

Ñaan di ka pënanin ubiira, maa nji ka n wël un wul bërierin. Man ka pëyëlan pa pëwël ubiira, ni pëyëlan pa pëyank wul kak. Utsua umënts wi, man yankëni wul di Asin nji.”

A Yeesu kaka ja bukul: “Mán leents ind ucär: Nji n ci-un pëlëman ngënkanel.

Maa najeja-uleemp, nul nan citsi nayafan a ngënkanel cits ngiicul, uwinul unjurtu kë bi, në bër ngënkanel, në túk. Din, unjurtu ka yërand ngul, u garës ngul.

Mán leents ind ucär: Ñaan na niajënatsi pëlëman pëtan ngënkanel, maa a na lutëna ulon ubuuru, namënts nun aci nakiej, aci uwayu.