Popular Bible Verses from Njɔyn 6

Deildu

Njisə̀s ə pìə sê ghənə nə, “M nyi apayn ə kwaŋ kɛ ə ke fo ndam zɛ ə ze tə mîə va. Ghɨ ghɛ ə ghe pə̂yn sê Mi, chɨ̀ŋ tə fɨnə zafə va ghənə, ghɨ ghɛ ə pomə sê Mi, ə tɔŋə pfɨŋve tə tàʼa zaf ə ghənə.

Ghɛ zɛ ə ze fo ndam nyi Sezuʼ sə Fezhə̀sè. Wiyn ə wûəvè va nâʼà eghɛ zhîze. Ghɛ ghɛ M tsâ sê ghàyn nyi Sezuʼ è ndame.

Kə ghàyn nə fɨaʼa sê fɨazhiə vɛ ə ve pofə, ghàyn è pɨlə fɨaʼà sê fɨazhiə vɛ ə ve kyi ndam zɛ ə ze tə mîə va. Ə̀ vɨnə nyi efɨazhiə vɛ ə Vâ Wùə tə fo sê ghàyn kûmə̀ nə Zhə̀fè, mə za nyi Pɨ̀a, nyi mə È və ndə̀m chwìə èfɨ̀aʼa ə Vəyn wìyn.”

Ghɛ zɛ ə Pɨ̀a Vɨ̂m kyiŋə nyi nə nâʼà ghɨ ə̀kɨ̂m ghɛ ə ghe fe Vayn ə pomə sê vəyn kyi ndam zɛ ə ze tə mîə va. Mə M tə zômsə̀ ghənə endam ə fetuʼ fe ekwuŋsəfe.”

Njisə̀s ə pə̀ynsə̀ nə, “Ghɛ zɛ ə Zhə̀fè kyiŋə nə ghàyn nəyn nyi nə ghàyn pomə sê Mi vɛ ə È tom.”

Nâʼàpî ndè vɛ ə Pɨ̀a Vɨ̂m fo sê Mi nə̀ pə̂ se Mi. M vayn kaʼa M tə chum kɛsê nâʼàpî ndè vɛ ə è pə̀yn sê Mi.

Shimuyn Pità ə pə̀ynsə̀ nə, “Se fɨnə ndù sê ndè ə Pɛ̂? Ò nyiə kyi èwâmnè zɛ ə ze nə̂ nə wùə ə kyi èndam zɛ ə ze tə mîə va.

M nyi apayn ə kwaŋ kɛ ə ke fo ndam zɛ ə ze ndô pə̂yn ekwùtwəyn. Mə ə ò zhi payn ə kwaŋ ə ətəynke, ə ò tə ndam faŋ. Payn ə kwaŋ kɛ m tə fo sê ghàyn nyi ewiyn vɨmve, kə m fo sê mbi kə è zə kyi èndam.”

Ghɨ vayn kaʼa pəyn sê Mi ə̀ tsɛ̂ kə va mə Pɨ̀a vɛ è tom Mi nji pə̂yn ndò ghənə sê Mi, ə M tə zomsè ghənə ə fetuʼfe kwuŋsəfe.

Kûmə̀ nə M nyi kàyntè àpayn ə kwaŋ kɛ ə Zhə̀fè fo mə ke ndo ekwùtwəyn fo ə̀ghɨ mbiə èndam zɛ ə ze tə mîə va.”

M nyi apayn ə kwaŋ kɛ ə ke fo ndamze.

Njisə̀s ə fiə àpayn əkwaŋ ətəynke ə fo àzɔ̀ŋnè sê Zhə̀fè ə fo nə chùmtè èpàm sə Vəynse chyate sê ghɨ ghɛ ə tè tsɨs fumə. Njisə̀s ə nə̀ kə pî zamə è mbwɔ̀ vɛ, nâʼà ghənə əkɨ̂m ə zhiə kolə. Kə ghənə əkɨ̂m tè zhi kol, Njisə̀s ə pìə sê Chùmtè èpàm sə vəynse nə, “Ghàyn komte sə tɛ ə te faŋ, ə ghâsènì tàʼa sàŋnə təynte səndô.”

Ə̀ tè se nyi mə chùmtè èpàm sə təynse ə kwì zaʼâ mâyl seta zaʼâ ndûə sèkyàʼ, ə ke fe Njisə̀s È kwîə etuə m̀mò, pə̂ paʼsə̂ etipìə ngwùʼ èghaʼâ. Fâyn zə ko ghənə nâʼà sə ŋaŋ. Pîza, Njisə̀s ə pìə sê ghənə nə, “Kə ghàyn fayn. Ə̀ nyi Mi.”